ରାଜ୍ୟ ସରକାରଙ୍କ ସହଯୋଗରେ ରାଜସ୍ଥାନରୁ ଫେରୁଛନ୍ତି ୯୭୫ ଜଣ ଛାତ୍ରଛାତ୍ରୀ
ଭୁବନେଶ୍ୱର: ରାଜସ୍ଥାନ କୋଟାରୁ ଯାତ୍ରା ଆରମ୍ଭ କରିଛନ୍ତି ଫସିରହିଥିବା ଓଡ଼ିଆ ଛାତ୍ରଛାତ୍ରୀ । ସମସ୍ତ ଛାତ୍ରଛାତ୍ରୀଙ୍କୁ ଓଡ଼ିଶା ଫେରାଇଆଣିବା ପାଇଁ ବ୍ୟବସ୍ଥା କରିଛନ୍ତି ରାଜ୍ୟସରକାର । ୧୧୩ ଜଣ ଛାତ୍ରଛାତ୍ରୀ ନିଜ ନିଜ ବ୍ୟବସ୍ଥାରେ ଫେରୁଥିବା ବେଳେ ଓଡ଼ିଶା ସରକାର ଗାଡ଼ି ପରମିଟ୍ ଓ ଅନ୍ୟାନ୍ୟ ବ୍ୟବସ୍ଥା ଯୋଗାଇ ଦେଇଛନ୍ତି ।
ଏମାନଙ୍କୁ ମିଶାଇ ୯୭୫ ଜଣ ଛାତ୍ରଛାତ୍ରୀଙ୍କ ତାଲିକା ରାଜ୍ୟ ସରକାର ପ୍ରସ୍ତୁତ କରିଥିବା ସୂଚନା ଦେଇଛନ୍ତି ପ୍ରବାସୀ ଓଡ଼ିଆଙ୍କୁ ଫେରାଇ ଆଣିବା ଦାୟିତ୍ୱରେ ଥିବା ରାଜ୍ୟର ବରିଷ୍ଠ ଅଧିକାରୀ ସାର୍ଥକ ଷଡ଼ଙ୍ଗୀ ।
ରାଜସ୍ଥାନ କୋଟାରୁ ଓଡ଼ିଶା। ଓଡ଼ିଆ ଛାତ୍ରଛାତ୍ରୀଙ୍କ ବାହୁଡ଼ା ଯାତ୍ରା। ରାସ୍ତାରେ ଅଛି ବସ୍। ୪ଟି ବସ୍ ଯୋଗେ ୧ହଜାର ୩ ଶହ ୩୮ କିଲୋମିଟରର ଯାତ୍ରା ଆରମ୍ଭ କରିଛନ୍ତି ଛାତ୍ରଛାତ୍ରୀ । ଲକ୍ଡାଉନ୍ ଯୋଗୁ ବିଭିନ୍ନ ଶିକ୍ଷାକ୍ଷେତ୍ରରେ କୋଚିଂ ନେଉଥିବା ରାଉରକେଲାର ୧୧୩ ଜଣ ଛାତ୍ରଛାତ୍ରୀ କୋଟାରେ ଫସି ରହିଥିଲେ ।
ଦୋକାନବଜାର ବନ୍ଦ ଯ଼ୋଗୁଁ ନାନା ସମସ୍ୟାର ସମ୍ମୁଖୀନ ହେଉଥିଲେ । ଏନେଇ ଓଡ଼ିଶା ଫେରିବା ପାଇଁ ରାଜ୍ୟ ସରକାରଙ୍କ ନିକଟରେ ନିବେଦନ କରିଥିଲେ ଛାତ୍ରଛାତ୍ରୀ ଓ ଅଭିଭାବକ। ଏହାପରେ ଓଡ଼ିଶା ଫେରାଇ ଆଣିବା ପାଇଁ ସମସ୍ତ ବ୍ୟବସ୍ଥା କରିଛନ୍ତି ରାଜ୍ୟ ସରକାର।
ଓଡ଼ିଶା ସରକାର ଛାତ୍ରଛାତ୍ରୀଙ୍କ ପାଇଁ ଗାଡି ପରମିଟ୍ ଓ ଅନ୍ୟାନ୍ୟ ବ୍ୟବସ୍ଥା ଯୋଗାଇ ଦେଇଛନ୍ତି । ଏହି 113 ଜଣଙ୍କୁ ମିଶାଇ ରାଜ୍ୟର ୯୭୫ ଜଣ ଛାଚ୍ରଛାତ୍ରୀଙ୍କ ତାଲିକା ମଧ୍ୟ ପ୍ରସ୍ତୁତ କରାଯାଇଛି ।
ବାକି ଛାତ୍ରଛାତ୍ରୀଙ୍କୁ ମଧ୍ୟ ଖୁବଶୀଘ୍ର ଓଡ଼ିଶାକୁ ଫେରାଇ ଅଣାଯିବ ବୋଲି ରାଜ୍ୟ ସରକାର ସୂଚନା ଦେଇଛନ୍ତି।
