ଅଶ୍ଳୀଳ ନୃତ୍ୟ ପରିବେଷଣ କରି ୯ ଯୁବତୀ ଗିରଫ

ପଶ୍ଚିମବଙ୍ଗ : ସଭ୍ୟ ସମାଜରେ ଅସଭ୍ୟ ଆଚରଣ । ହିତାହିତ ଜ୍ଞାନକୁ ଭୁଲିଯାଇଛନ୍ତି ଲୋକେ । ପଶ୍ଚିମବଙ୍ଗରେ ଦର୍ଶକଙ୍କ ଆଗରେ ମଞ୍ଚ ଉପରେ ଅଶ୍ଳୀଳ ନୃତ୍ୟ ପରିବେଷଣ କଲେ ଯୁବତୀ  । ଅଶ୍ଳୀଳ ଇଙ୍ଗିତ ସହିତ ଶରୀରର ବିଭିନ୍ନ ଅଙ୍ଗ ପ୍ରତ୍ୟଙ୍ଗ ପ୍ରଦର୍ଶନ କରି ନୃତ୍ୟ ପରିବେଷଣ କରାଯାଉଥିଲା । ହେଲେ ନିରବଦ୍ରଷ୍ଟା ସାଜିଥିଲେ ସେଠାରେ ଥିବା ଆୟୋଜକ । ଯାହାର ମଜା ଉଠାଉଥିଲେ କିଛି ଅସାମାଜିକ ବ୍ୟକ୍ତି  ।

ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲା ସ୍ଥିତ ଗୋପାଳ ନଗର ଓ ମାଣିକଖୋଲା ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି  । ଯାହାର ଫଟୋ କିମ୍ବା ଭିଡିଓ ଦେଖାଇବା ଆମ ପକ୍ଷେ ସମ୍ଭବ ନୁହେଁ  । ଯାତ୍ରା ମଞ୍ଚରେ କେତେକ ଯୁବତୀ ନୃତ୍ୟ ପରିବେଷଣ କରିଥିଲେ । ନୃତ୍ୟ ପରିବେଷଣ କରିବା ବେଳେ ମଞ୍ଚ ଉପରେ ହିଁ ଯୁବତୀ ଉଲଗ୍ନ ହୋଇ ନୃତ୍ୟ ପରିବେଷଣ କରିଥିଲେ । କେବଳ ଏତିକି ନୁହେଁ ନୃତ୍ୟ ପରିବେଷଣ ସମୟରେ ଦର୍ଶକମାନଙ୍କୁ ଅଶ୍ଳୀଳ ଇଙ୍ଗିତ ମଧ୍ୟ କରିଥିଲେ । ଏଭଳି ଅଶ୍ଳୀଳ ନୃତ୍ୟ ଚାଲିଥିବା ବେଳେ ଖବର ପାଇ ଚଢ଼ାଉ କରିଥିଲା ପୋଲିସ  । ଏଠାରେ ନୃତ୍ୟ ପରିବେଷଣ କରିୁଥିବା ୯ ଯୁବତୀଙ୍କ ସମେତ ମୋଟ ୨୭ଜଣଙ୍କୁ ଗିରଫ କରାଯାଇଥିବା ସୂଚନା ମିଳିଛି ।