ବଡ଼ ଘର କରିବା ଆଶା, ୨୩ ଲକ୍ଷ ପାଇବାକୁ ୯ ବର୍ଷର ପୁଅକୁ ଅପହରଣ ପରେ କଲା ହତ୍ୟା

ଥାଣେ: ନୂଆ ଘର ତିଆରି କରିବାକୁ ଦରକାର ଥିଲା ୨୩ ଲକ୍ଷ ଟଙ୍କା। ଟଙ୍କା ପାଇଁ ପଡୋଶୀ ଘର ପୁଅକୁ ଅପହରଣ ଓ ପରେ ହତ୍ୟା। ମହାରାଷ୍ଟ୍ରର ଥାଣେ ଅଞ୍ଚଳରେ ଘଟିଛି ଏକ ଜଘନ୍ୟ କାଣ୍ଡ। ବଦଲାପୁର ଗୋରେ ଗାଁରେ ୯ବର୍ଷର ବାଳକକୁ ହତ୍ୟା କରିଛି ଟେଲର। ପେସାରେ ଥିଲା ଟେଲର କିନ୍ତୁ ନିଶା ଥିଲା ବଡ଼ ଘର ତିଆରି କରିବା। ଟଙ୍କା ପାଇଁ ରଚିଥିଲା ଅପହରଣ ଷଡ଼ଯନ୍ତ୍ର। ୯ବର୍ଷୀୟ ଇବାଦ ବୁବୁରେ ନମାଜ ପାଠ କରି ମସଜିଦରୁ ଫେରୁଥିବା ବେଳେ ଅପହରଣ କରିଥିଲା ଟେଲର। ଅପହରଣ ପରେ ନାବାଳକର ବାପାକୁ ଫୋନ କରି ୨୩ ଲକ୍ଷ ଟଙ୍କା ମାଗିଥିଲା ଅଭିଯୁକ୍ତ। ପରିବାର ଲୋକ କିଛି କରିବା ପୂର୍ବରୁ ଧରା ପଡ଼ିଯିବା ଭୟରେ ପିଲାଟିକୁ ହତ୍ୟା କରି ଅଖାରେ ଭର୍ତ୍ତି କରି ଦେଇଥିଲା ଅଭିଯୁକ୍ତ ଟେଲର । ମୃତଦେହ ଥିବା ଅଖାକୁ ନିଜ ଘର ପଛ ପଟ ବଗିଚାରେ ଲୁଚାଇ ଦେଇଥିଲା କିଲର ଟେଲର। ପୋଲିସ ଅଭିଯୁକ୍ତ ଟେଲର ସଲମାନ ମୌଲବୀ ସମେତ ସହଯୋଗୀଙ୍କୁ ଗିରଫ କରିଛି।