ସେଇ ୯ ନାୟକଙ୍କ କାହାଣୀ ଯେଉଁମାନେ ଭାରତକୁ ବ୍ରୋଞ୍ଜ ସହ ଦେଇଛନ୍ତି ବିଜୟ

ଭୁବନେଶ୍ୱର: ଦୀର୍ଘ ୪୧ ବର୍ଷର ମେଡାଲ ଦୁର୍ଭିକ୍ଷ ପରେ ଭାରତୀୟ ହକି ଅଲମ୍ପିକ୍ସରେ ବ୍ରୋଞ୍ଜ ପଦକ ପାଇଛି । ଏହି ପଦକ ସହିତ ୪୦ ବର୍ଷର ଅପେକ୍ଷାର ହୋଇଛି ଅନ୍ତ । ଜର୍ମାନୀକୁ ୫-୪ରେ ହରାଇ ଭାରତୀୟ ପୁରୁଷ ଟିମ୍ ର ସଦସ୍ୟ ଇତିହାସ ଫର୍ଦ୍ଦରେ ନିଜ ନାମକୁ ସାମିଲ କରିଛନ୍ତି । ଭବିଷ୍ୟତର ଇତିହାସରେ ସେମାନେ ସେହି ଖେଳାଳି ଭାବେ ପରିଚିତ ହେବେ ଯେଉଁମାନେ ଗୋଟିଏ ଦେଶକୁ ପୁଣିଥରେ ସ୍ୱପ୍ନ ଦେଖିବାକୁ ଓ ହାସଲ କରିବାର ସାମର୍ଥ୍ୟ ଦେଇଥିଲେ । ଟିମ୍ ଇଣ୍ଡିଆର ବ୍ରୋଞ୍ଜ ବିଜୟରେ ଯଦିଓ ପୂରା ଦଳର ଯୋଗଦାନ ଥିଲା ତଥାପି ସେହି ୯ ନାୟକଙ୍କ ବିନା ଏହି ସ୍ୱପ୍ନର ଉଡ଼ାଣ କେବେ ମଧ୍ୟ ସଫଳ ହୋଇନଥାନ୍ତା ।

ଗ୍ରୀକ୍ ପୁରାଣର ଫିନିକ୍ସ ପକ୍ଷୀ ନିଜ ଚିତାଭଷ୍ମରୁ ପୁନଃ ଜନ୍ମ ନେଇ ଉଡ଼ିଥାଏ । ଠିକ୍ ସେହି ପୁରାଣ ପକ୍ଷୀ ଫିନିକ୍ସ ଭଳି ଭାରତୀୟ ହକି ୪୦ ବର୍ଷର ନିଦ୍ରାରୁ ଉଠିଛି ।ଭାରତୀୟ ହକିକୁ ପୁଣି ବିଶ୍ୱ ଟର୍ଫରେ ସ୍ଥାନ ଦେଇଥିବା ସେଇ ୯ ନାୟକ ଆଜି ଗୋଟିଏ ଦେଶକୁ ଦେଇଛନ୍ତି ମହାମାରୀ କାଳରେ ଖୁସି ମନାଇବାର ବିରାଟ କାରଣ ।

ଆସନ୍ତୁ ଜାଣିବା ସେହି ୯ ନାୟକଙ୍କ ଷ୍ଟିକରୁ ବାହାରିଥିବା ୨୩ ଗୋଲ୍ କେମିତି ଦେଶକୁ ଆଜି ଦେଇଛି ବିଜୟ ଉତ୍ସବ ପାଳନାର କାରଣ । ୧୯୮୦ ମସ୍କୋ ଅଲିମ୍ପିକ୍ସ ପରେ ଭାରତୀୟ ହକି ନାମରେ ଏହା ପ୍ରଥମ ଅଲିମ୍ପିକ୍ ପଦକ ଥିଲା । ଆଉ ଏହି ପଦକ ପଛରେ ରହିଛି ୯ ଯୋଦ୍ଧାଙ୍କ ୨୩ ଗୋଲ ।

ଏଥିସହ ପଢ଼ନ୍ତୁ: ଅଲମ୍ପିକ ହକି ଇତିହାସରେ ଭାରତ ଅଧ୍ୟାୟ

ଭାରତୀୟ ପୁରୁଷ ହକି ଦଳ ଟୁର୍ଣ୍ଣାମେଣ୍ଟରେ ମୋଟ ୨୩ ଗୋଲ ସ୍କୋର କରିଥିଲା, ଯେଉଁଥିରେ ଗ୍ରୁପ୍ ପର୍ଯ୍ୟାୟରେ ଖେଳାଯାଇଥିବା ୫ ଟି ମ୍ୟାଚରେ ୧୩ ଗୋଲ ଅନ୍ତର୍ଭୁକ୍ତ ଥିଲା । ଗ୍ରୁପ୍ ପର୍ଯ୍ୟାୟରେ ଖେଳାଯାଇଥିବା ୫ଟି ମ୍ୟାଚ ମଧ୍ୟରୁ ୪ଟିରେ ଭାରତ ଜିତିବାରେ ସଫଳ ହୋଇଥିଲା । ଏଥି ସହିତ ସେ ଅଷ୍ଟ୍ରେଲିଆ ବିପକ୍ଷରେ କେବଳ ଗୋଟିଏ ମ୍ୟାଚ୍ ହାରିଥିଲେ । ଏହା ପରେ ଭାରତ ନକ୍ଆଉଟ୍ ପର୍ଯ୍ୟାୟରେ ୧୦ଟି ଗୋଲ୍ ସ୍କୋର କରିଥିଲା । ଭାରତ ପାଇଁ ଟୁର୍ଣ୍ଣାମେଣ୍ଟରେ ହରମନପ୍ରୀତ ସିଂ ସର୍ବାଧିକ ସ୍କୋର କରିଥିଲେ ।

ଯଦି ଭାରତୀୟ ପୁରୁଷ ହକି ଦଳ ଟୋକିଓ ଅଲିମ୍ପିକ୍ସର ଟର୍ଫରେ ବ୍ରୋଞ୍ଜ ପଦକ ଜିତିବାର କାହାଣୀ ଲେଖିବାରେ ସଫଳ ହୋଇଛି, ତେବେ ଏଥିରେ ହରମନପ୍ରୀତ ସିଂଙ୍କ ସବୁଠୁ ବଡ଼ ଅବଦାନ ରହିଛି । ଭାରତ ପାଇଁ ହରମନପ୍ରୀତ ଏକ ନମ୍ବର ଗୋଲ ସ୍କୋର କରିଥିଲେ । ଟୋକିଓ ଅଲମ୍ପିକ୍ସ ଖେଳର ମହାକୁମ୍ଭରେ ସେ ନିଜକୁ ସାବ୍ୟସ୍ତ କରିଛନ୍ତି । କାହିଁକି ନା ଭାରତ ସ୍କୋର କରିଥିବା ୨୩ ଗୋଲ ମଧ୍ୟରୁ ୬ଟି ଗୋଲ କେବଳ ହରମନପ୍ରୀତ ସିଂ ହକି ଷ୍ଟିକରୁ ବାହାରିଥିଲା ।

ଏଥିସହ ପଢ଼ନ୍ତୁ: ଯେତେବେଳେ ବେସାହାରା ଥିଲା ହକି, ସେତେବେଳେ ‘ସାହାରା’ପାଲଟିଥିଲେ ନବୀନ

ଗୋଲ ସ୍କୋର କରିବାରେ ଦ୍ୱିତୀୟ ସ୍ଥାନରେ ଅଛନ୍ତି ରୁପିନ୍ଦର ପାଲ ସିଂ । ସେ ପୂରା ଟୁର୍ଣ୍ଣାମେଣ୍ଟରେ ୪ଟି ଗୋଲ୍ ସ୍କୋର କରିଥିଲେ । ପେନାଲ୍ଟି କର୍ଣ୍ଣରରେ ରୁପିନ୍ଦର ପାଲ ସିଂ ନିଜର ସମସ୍ତ ଗୋଲ୍ ସ୍କୋର କରିଥିଲେ । ଏବେ ଏହିଥିରୁ ଜଣା ପଡିଲା ଯେ ତାଙ୍କୁ କାହିଁକି ଭାରତର ଡ୍ରାଗ୍ ଫ୍ଲିକ୍ ସ୍ପେସିଆଲିଷ୍ଟ ବୋଲି ବୋଲି କୁହାଯାଏ ।

ଭାରତ ପାଇଁ ସର୍ବାଧିକ ଗୋଲ ସ୍କୋର କରିବାରେ ତୃତୀୟ ସ୍ଥାନରେ ଥିଲେ ସିମରାନଜିତ୍, ଯିଏ ୩ଟି ଗୋଲ୍ ସ୍କୋର କରିଥିଲେ । ଏହା ପରେ ଦିଲପ୍ରୀତ, ହାର୍ଦ୍ଦିକ ଏବଂ ଗୁରୁଜନ୍ତ ଗୋଲ ସ୍କୋର କରିବାର ଧାଡ଼ିରେ ୪, ୫ ଏବଂ ୬ ରେ ନମ୍ବର ରହିଲେ । ଏହି ତିନିଜଣ ଟୁର୍ଣ୍ଣାମେଣ୍ଟରେ ୨-୨ ଗୋଲ ସ୍କୋର କରି ଭାରତର ଐତିହାସିକ ବିଜୟରେ ସହଯୋଗ କରିଥିଲେ ।

ଏଥିସହ ପଢ଼ନ୍ତୁ: ମୁଁ ଗୋଲପୋଷ୍ଟର ମାଲିକ, କାହିଁକି ଏମିତି କହିଲେ ଭାରତୀୟ ଗୋଲ କିପର ?

ଏସବୁ ବ୍ୟତୀତ ଟୁର୍ଣ୍ଣାମେଣ୍ଟରେ ଅନେକ ଭାରତୀୟ ଖେଳାଳି ଥିଲେ ଯେଉଁମାନେ ଅଲିମ୍ପିକ୍ ଟର୍ଫରେ ନିଜ ଲକ୍ଷ୍ୟର ଖାତା ଖୋଲିବାରେ ସଫଳ ହୋଇଥିଲେ । ଅଧିନାୟକ ମନପ୍ରୀତ ସିଂଙ୍କ ବ୍ୟତୀତ ବିବେକ ପ୍ରସାଦ ଏବଂ ବରୁଣ କୁମାରଙ୍କ ନାମ ମଧ୍ୟ ଏଥିରେ ସାମିଲ ହୋଇଛି । ସମସ୍ତେ ୧-୧ ଗୋଲ ସ୍କୋର କରିଥିଲେ । ଟୋକିଓର ଟର୍ଫରେ ଭାରତୀୟ ଦଳ ତୃତୀୟ ଅଲିମ୍ପିକ୍ ବ୍ରୋଞ୍ଜ ଜିତିଛି । ଏହାପୂର୍ବରୁ ସେ ୧୯୬୮ ଅଲିମ୍ପିକ୍ସରେ ପଶ୍ଚିମ ଜର୍ମାନୀକୁ ୨-୧ ଏବଂ ୧୯୭୨ ଅଲିମ୍ପିକ୍ସରେ ନେଦରଲ୍ୟାଣ୍ଡକୁ ୨-୧ ରେ ପରାସ୍ତ କରି ବ୍ରୋଞ୍ଜ ଜିତିଥିଲେ ।