ଗୋଟିଏ ଦିନରେ ଚିହ୍ନଟ ହେଲେ ମାତ୍ର ୮୬୮ ପଜିଟିଭ୍, ୬୬ ଜୀବନ ନେଲା ଭାଇରସ
ଭୁବନେଶ୍ୱର: ରାଜ୍ୟରେ ଦ୍ୱିତୀୟ ଥର ପାଇଁ ହଜାରେ ତଳେ ସଂକ୍ରମଣ । ଦିନକରେ ୨୭ଜିଲ୍ଲା ଓ ଷ୍ଟେଟପୁଲରୁ ୮୬୮ ସଂକ୍ରମିତ ଚିହ୍ନଟ ହୋଇଥିବା ବେଳେ ୬୬ଜଣଙ୍କ ଜୀବନ ନେଇଛି କିଲର କରୋନା । ଶୂନରୁ ୧୮ ବର୍ଷ ବୟସର ୧୦୪ ପିଲା କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି । କୋରାପୁଟ, ନବରଙ୍ଗପୁର ଓ ସୋନପୁରରେ ଶୂନ ସଂକ୍ରମଣ ।
୨୪ ଘଣ୍ଟାରେ ସୁସ୍ଥ ହୋଇଛନ୍ତି ହଜାରେ ୪୩ ଆକ୍ରାନ୍ତ । ଖୋର୍ଦ୍ଧାରୁ ସର୍ବାଧିକ ୨୫୬ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କଟକରୁ ୧୫୪, ଷ୍ଟେଟପୁଲରୁ ୫୪, ବାଲେଶ୍ୱରରୁ ୫୨, ଯାଜପୁରରୁ ୪୫, ସମ୍ବଲପୁରରୁ ୩୯, ଆକ୍ରାନ୍ତ ଚିହ୍ନଟ ହୋଇଛନ୍ତି । ମୟୂରଭଞ୍ଜରୁ ୨୮, ଅନୁଗୁଳ ଓ କେନ୍ଦ୍ରାପଡାରୁ ୨୬ଜଣ ଲେଖାଏଁ, ଜଗତସିଂହପୁରରୁ ୨୩, ନୟାଗଡ଼ ଓ ପୁରୀରୁ ୨୧ଜଣ ଲେଖାଏଁ, ଭଦ୍ରକରୁ ୧୯, ଢେଙ୍କାନାଳରୁ ୧୫, ବରଗଡ ଓ ସୁନ୍ଦରଗଡ଼ରୁ ୧୩ଜଣ ଲେଖାଏଁ, କନ୍ଧମାଳରୁ ୧୨, କେନ୍ଦୁଝରରୁ ୧୦, ବଲାଙ୍ଗୀରରୁ ୮, ଦେବଗଡ଼, ଝାରସୁଗୁଡା, ମାଲକାନଗିରି ଓ ନୂଆପଡାରୁ ୬ଜଣ ଲେଖାଏଁ, ଗଞ୍ଜାମରୁ ୩, କଳାହାଣ୍ଡି, ରାୟଗଡ଼ାରୁ ୨ଜଣ ଲେଖାଏଁ, ବୌଦ୍ଧ, ଗଜପତିରୁ ଜଣେ ଲେଖାଏଁ ସଂକ୍ରମିତ ଚିହ୍ନଟ ।
ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୯୫ହଜାର ୪୩୩, ମୋଟ୍ ସୁସ୍ଥ ହୋଇଛନ୍ତି ୯ଲକ୍ଷ ୭୮ହଜାର ୨୪୦ । ଆକ୍ଟିଭ କେସ୍ ୧୦ହଜାର ୧୮୭ ।
