ସୁଧୁରୁଛି ସଂକ୍ରମଣ, ଦିନରେ ଚିହ୍ନଟ ହେଲେ ୮୫୩ ପଜିଟିଭ୍
ଭୁବନେଶ୍ୱର: ରାଜ୍ୟରେ ସୁଧୁରୁଛି ସଂକ୍ରମଣ । ଗୋଟିଏ ଦିନରେ ଚିହ୍ନଟ ହେଲେ ଆଉ ୮୫୩ ପଜିଟିଭ୍ । କ୍ବାରେଣ୍ଟାଇନରୁ ୪୯୬ ଜଣ ଥିବା ବେଳେ, ଲୋକାଲ କେସ ରହିଛି ୩୫୭ । ଏମାନଙ୍କ ମଧ୍ୟରୁ ଶୂନରୁ ୧୮ ବର୍ଷ ମଧ୍ୟରେ ୧୦୦ ଜଣ ସଂକ୍ରମିତ ଅଛନ୍ତି । ସେହିପରି ଗୋଟିଏ ଦିନରେ ଭାଇରସ ନେଇଛି ଆଉ ୬୯ ଜୀବନ । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୨୮୬ ଜଣ ରହିଛନ୍ତି ।
କଟକରୁ ୧୪୦ ଓ ଷ୍ଟେଟ୍ ପୁଲରୁ ୫୯ ଜଣ ଆକ୍ରାନ୍ତ ଅଛନ୍ତି । ସେହିପରି ବାଲେଶ୍ବରରୁ ୪୬, ପୁରୀରୁ ୩୫, ଯାଜପୁରରୁ ୩୩, ଜଗତସିଂହପୁରରୁ ୩୨, ଅନୁଗୁଳରୁ ୨୯, ନୟାଗଡ଼ରୁ ୨୨, ମୟୂରଭଞ୍ଜ ଓ କେନ୍ଦ୍ରାପଡ଼ାରୁ ୨୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ସମ୍ବଲପୁରରୁ ୧୯, ଭଦ୍ରକରୁ ୧୮, କେନ୍ଦୁଝରରୁ ୧୬, ଦେବଗଡ଼ରୁ ୧୩, ସୁନ୍ଦରଗଡ଼ ଓ ବରଗଡ଼ରୁ ୧୨, ଗଞ୍ଜାମରୁ ୧୧, ଢେଙ୍କାନାଳରୁ ୧୦, ରାୟଗଡ଼ାରୁ ୪, କୋରାପୁଟରୁ ୩ ଜଣ ଚିହ୍ନଟ ହୋଇଛନ୍ତି ।
କଳାହାଣ୍ଡିରୁ ୩, ଝାରସୁଗୁଡ଼ା ଓ ବଲାଙ୍ଗୀରରୁ ୨ ଜଣ ଲେଖାଏଁ, ଗଜପତି, କନ୍ଧମାଳ, ମାଲାକାନଗିରି ଓ ସୋନପୁରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ରାଜ୍ୟରୁ ୯୭୯ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମୋଟ ୯ ଲକ୍ଷ ୮୪ ହଜାରରୁ ଅଧିକ ସୁସ୍ଥ ହୋଇଥିବା ବେଳେ, ଆକ୍ଟିଭ୍ କେସ୍ ରହିଛି ୯ ହଜାର ୩୦୨ ।
