ଭୁବନେଶ୍ୱର: ବିଏସକେଓ୍ବାଇରେ ଯୋଡି ହେଲା ଅଧି୍କ ଘରୋଇ ହସ୍ପିଟାଲ। ୮୧୬ ସୁପର ସ୍ପେଶିଆଲିଟି ଘରୋଇ ହସ୍ପିଟାଲ ବିଏସକେଓ୍ବାଇରେ ଯୋଡି ହୋଇଛି। ଏଥିରେ ୧୬ଟି ପ୍ରମୁଖ ରାଜ୍ୟର ୧୬୦ଟି ଘରୋଇ ହସ୍ପିଟାଲ ଅଛି। ବିଏସକେଓ୍ବାଇ ଲାଗୁ ହେବା ପରଠୁ ହସ୍ପିଟାଲରେ ରୋଗୀ ସଂଖ୍ୟା ୧୦୨ ପ୍ରତିଶତ ବୃଦ୍ଧି ପାଇଛି।
ଡିସେମ୍ବର ୧୫ ତାରିଖ ସୁଦ୍ଧା ୧୨ ଲକ୍ଷ ୧୧ ହଜାର ରୋଗୀ ପାଇଛନ୍ତି ଚିକିତ୍ସା ସୁବିଧା। ଡିସେମ୍ବର ଶେଷ ସୁଦ୍ଧା ଏହା ୧୩ ଲକ୍ଷରେ ପହଞ୍ଚିବ ବୋଲି ଆଶା କରାଯାଉଛି। ଚିକିତ୍ସା ସୁବିଧା ପାଇବାରେ ୨୦୨୨ ତୁଳନାରେ ୧୦୨ ପ୍ରତିଶତ ଅଧିକ ରହିଛି। ସେହିପରି ୯୬.୫ ଲକ୍ଷ ପରିବାର BSKYରେ ସାମିଲ ଅଛନ୍ତି। ଡିସେମ୍ବର ୧୫ ତାରିଖ ସୁଦ୍ଧା ୨୫୦୭.୦୫ କୋଟି ଟଙ୍କା ଖର୍ଚ୍ଚ କରିଛନ୍ତି ସରକାର। ଡିସେମ୍ବର ଶେଷ ସୁଦ୍ଧା ଖର୍ଚ୍ଚ ରାଶି ୨୯୧୦ କୋଟି ଟଙ୍କାରେ ପହଞ୍ଚିବ। ୨୦୨୨ରେ ୧୪୦୯.୪୦ କୋଟି ଟଙ୍କା ଖର୍ଚ୍ଚ କରିଥିଲେ ସରକାର। BSKYରେ ୯୮ ପ୍ରତିଶତ ମହିଳା ଓ ବୟସ୍କ ଚିକିତ୍ସା ସୁବିଧା ପାଇଛନ୍ତି।
