୮ ବର୍ଷର ନାବାଳିକାଙ୍କ ବେଷ୍ଟ ଫ୍ରେଣ୍ଡ ହେଉଛି ୧୧ ଫୁଟର ଅଜଗର

ଜେରୁସେଲମ: ସାପକୁ କିଏ ଦେଖିଲେ ଡରେ ତ ଆଉ କିଏ ଖେଳଣା ସାପକୁ ଦେଖି ବି ଭୟରେ ଥରି ଉଠେ । ସାପ ପ୍ରତି ପ୍ରାୟ ଅଧିକାଂଶଙ୍କ ମନରେ ଥାଏ ଭୟ ଆଉ ଡର । ଆଉ ଅଜଗର ସାପ କଥା ଶୁଣିଲେ ଅନେକଙ୍କ ପିଳେହି ପାଣି ହୋଇଯାଏ । ଆଜି ଆମେ ଏମିତି ଏକ ଛୁଆ ବିଷୟରେ କହୁଛୁ ଯାହାର ସବୁଠୁ ଭଲ ସାଙ୍ଗ ହେଉଛି ଅଜଗର । ଅଜଗର ସାପଟି ସହ ଝିଅଟି ଖେଳେ, ବୁଲେ ଓ ପାଣିରେ ପହଁରେ ।

ଆଶ୍ଚର୍ଯ୍ୟ ଲାଗୁଥିଲେ ବି ସତ । ଇସ୍ରାଏଲର ୮ ବର୍ଷୀୟା ଇନବରର ବ୍ରେଷ୍ଟ ଫ୍ରେଣ୍ଡ ହେଉଛି ଅଜଗର । ଯେତେବେଳେ ସେ ଘର ପଛପଟ ସୁଇମିଂ ପୁଲକୁ ଗାଧୋଇବାକୁ ଯାଏ ତ ତା ସାଙ୍ଗରେ ଥାଏ ୧୧ ଫୁଟର ପାଳିତ ସାପ । ଅଜଗରକୁ ଘରେ ପାଳିଥିବା ବେଳେ ଲୋକେ ନାବାଳିକାଟି ସହ ସାପକୁ ଦେଖି ଡରି ଯାଆନ୍ତି । କାରଣ ଏମିତିରେ ବି ଛୁଆଙ୍କୁ ଏଣ୍ଡୁଅ ଦେଖିଲେ ଡର ଲାଗେ । କିନ୍ତୁ ଇନବର ଯିଏ ୧୧ ଫୁଟର ହଳିଦିଆ ରଙ୍ଗର ଅଜଗରକୁ ଦେଖିଲେ ବେଶ୍ ଖୁସି ହୋଇଯାଏ । ତାକୁ ଏହି ଅଜଗର ସହ ସମୟ ବିତାଇବାକୁ ବେଶ୍ ଭଲ ଲାଗେ ।

An eight-year-old Israeli girl’s favorite swimming buddy is her 11-foot yellow pet python called Belle https://t.co/XEsjdPQGam pic.twitter.com/V2IUna7T2F

— Reuters (@Reuters) October 8, 2020

ଖବର ମୁତାବକ ୮ ବର୍ଷର ଇନବର ନିଜ ପରିବାର ସହ ଦକ୍ଷିଣ ଇସ୍ରାଏଲର ଏକ କୃଷି ସମୁଦାୟର ଆନିମଲ ସାଞ୍ଚୁରେ ରୁହେ । ସେ ପିଲାଟି ଦିନରୁ ହିଂସ୍ର ଜୀବଜନ୍ତୁଙ୍କ ସହ ବଢ଼ିଛି । ୧୧ ଫୁଟର ଅଜଗର ସାପ ତାଙ୍କ ପରିବାର ଦ୍ୱାରା ପାଳନ କରାଯାଇଥିବା ହିଂସ୍ର ଜୀବଜନ୍ତୁଙ୍କ ମଧ୍ୟରୁ ଗୋଟିଏ । କରୋନା ଭାଇରସ୍ ସଂକ୍ରମଣ ପରେ ଲକଡାଉନ୍ ଲାଗୁ ହୋଇ ଯାଇଥିଲା । ତା’ପରଠୁ ଇନବର ଏହି ଅଜଗର ସହ ବିତାଉଛି ବେଶୀ ସମୟ ।