୪ ବର୍ଷର ଶିଶୁକୁ ଦୂଷ୍କର୍ମ ପରେ ପଥରରେ ଛେଚି ହତ୍ୟା ମାମଲା, ଘଟଣାସ୍ଥଳରେ ଭାରତପ୍ରାପ୍ତ ଏସ୍ପି
1 min read
କଙ୍କଡ଼ାହାଡ଼: କଙ୍କଡ଼ାହାଡ଼ ଥାନା ଖରଖରି ଗ୍ରାମର ୪ ବର୍ଷର ଶିଶୁକୁ ଦୂଷ୍କର୍ମ ପରେ ପଥରରେ ଛେଚି ହତ୍ୟା ମାମଲା, ଯାଞ୍ଚ ପାଇଁ ଘଟଣାସ୍ଥଳରେ ପହଞ୍ଚିଲେ ଭାରପ୍ରାପ୍ତ SP ଜଗମୋହନ ମୀନା । ସେ ପ୍ରଥମେ ପୀଡ଼ିତାର ପରିବାର ବର୍ଗଙ୍କୁ ଭେଟିଛନ୍ତି ପରେ ଘଟଣାସ୍ଥଳ ପରିଦର୍ଶନ କରିଛନ୍ତି । ପୂରା ଘଟଣା ଉପରେ ପୂଙ୍ଖାନୁପୁଙ୍ଖ ଭାବେ ତଦନ୍ତ କରିବା ପରେ, କାମାକ୍ଷାନଗର SDPOଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ଅନୁସନ୍ଧାନ କରାଯିବ ବୋଲି ନିଜ ପ୍ରତିକ୍ରିୟାରେ କହିଛନ୍ତି ।
ଶୁକ୍ରବାର ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁୁକୁର ଆସି ତଦନ୍ତ ପ୍ରକ୍ରିୟାରେ ଯୋଡ଼ି ହୋଇଥିଲେ । ବ୍ୟବଛେଦ ରିପୋର୍ଟ ଆସିବା ପରେ ସମ୍ପୂର୍ଣ୍ଣ ତଥ୍ୟ ସାମ୍ନାକୁ ଆସିବ । ପରିବାରବର୍ଗଙ୍କ କହିବା ଅନୁସାରେ ଯେଉଁମାନଙ୍କ ଉପରେ ସନ୍ଦେହ ରହିଛି ପୋଲିସ ସେମାନଙ୍କୁ ଅଟକ ରଖି ପଚରାଉଚରା କରୁଛି ବୋଲି ଶ୍ରୀ ମୀନା କହିଛନ୍ତି ।
ଅନ୍ୟପଟେ ଜିଲ୍ଲା ମହିଳା କଂଗ୍ରେସର ଏକ ଟିମ୍ ପୀଡିତାଙ୍କ ପରିବାରକୁ ଭେଟି ସମବେଦନା ଜଣାଇବା ସହ କିପରି ଦୋଷୀ ଦଣ୍ଡ ପାଇବ ସେ ବିଷୟରେ SPଙ୍କ ନିକଟରେ ଦାବି କରିଛନ୍ତି । କଠୋରରୁ କଠୋର ଦଣ୍ଡ ଦେବାକୁ କଂଗ୍ରେସ ମହିଳା ନେତ୍ରୀମାନେ ଦାବି କରିଛନ୍ତି । ତେବେ ବର୍ତ୍ତମାନ ସୁଦ୍ଧା ଏହି ଘଟଣାରେ କୌଣସି ଅଭିଯୁକ୍ତଙ୍କୁ ଗିରଫ କରାଯାଇ ନାହିଁ । ସୂଚନା ଅନୁସାରେ ଖରଖରି ଗ୍ରାମର ୪ବର୍ଷରୁ ଶିଶୁକୁ ଦୂଷ୍କର୍ମ ଓ ପରେ ପଥରରେ ଛେଚି ହତ୍ୟା କରାଯାଇଥିଲା।
