୮ ବର୍ଷ ଝିଅକୁ କୋର୍ଟ ଚାଲାଣ କଲା ପୋଲିସ

ଭୁବନେଶ୍ୱର: ଜମିବାଡ଼ି ଗଣ୍ଡଗୋଳକୁ କେନ୍ଦ୍ର କରି ୮ ବର୍ଷ ଝିଅକୁ କୋର୍ଟ ଚାଲାଣ କଲା ପୋଲିସ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଭୁବନେଶ୍ୱର ଡିସିପିଙ୍କ କାର୍ଯ୍ୟାଳୟରେ ଥିବା କୋର୍ଟ ପରିସରରେ । ବାଲିପାଟଣା ଥାନା ଅନ୍ତର୍ଗତ ଦେଉଳିଧର ପାଟଣାର ଧର୍ମାନନ୍ଦ ଜେନାଙ୍କ ସାନ ଝିଅ ୮ ବର୍ଷର ହୋଇଥିବା ବେଳେ ବାଲିପାଟଣା ପୋଲିସ ତାଙ୍କୁ କୋର୍ଟଚାଲାଣ କରିଛି ।

ତେବେ ଜଣେ ୮ ବର୍ଷର ଝିଅକୁ କିଭଳି ଭାବେ ଜମିବାଡ଼ି ଗଣ୍ଡଗୋଳ ଘଟଣାରେ ଦଫା ୧୨୭ ଲଗାଇ ଡିସିପି କୋର୍ଟରେ ହାଜର କରାଗଲା ସେ ନେଇ ପରିବାର ବର୍ଗ ପ୍ରଶ୍ନ କରିଛନ୍ତି । ଅନ୍ୟପକ୍ଷରେ ଏହି କେସ୍‌ରେ ଜଣେ ନାବାଳିକାଙ୍କୁ ଜୁଭେନାଇଲ ହୋମକୁ ପଠାଇବା ନିହାତି ଅବାସ୍ତବ । ପୋଲିସ ଲାଞ୍ଚ ନେଇ ଝିଅକୁ ଗିରଫ କରିଥିବା ଅଭିଯୋଗ ଆଣିଛନ୍ତି ତାଙ୍କ ଓକିଲ ।