କୂଅ ସଫା ବେଳେ ବିଶାକ୍ତ ଗ୍ୟାସ ଯୋଗୁ ୮ ଜଣଙ୍କ ମୃତ୍ୟୁ

ନନ୍ଦିଘୋଷ ବ୍ୟୁରୋ : କୂଅ ସଫା ବେଳେ ବିଶାକ୍ତ ଗ୍ୟାସ ଯୋଗୁ ୮ ଜଣଙ୍କ ମୃତ୍ୟୁ ଅଭିଯୋଗ । ମଧ୍ୟପ୍ରଦେଶର ଖଣ୍ଡୱା ଜିଲ୍ଲା ଛାଇଗାଁ ମାଖନ ଅଞ୍ଚଳର କୋଣ୍ଡାଭାଟ ଗାଁରେ ଘଟିଛି ଏହି ବଡ଼ ଅଘଟଣ । ୬ ଜଣଙ୍କ ମୃତଦେହ ବାହାର କରାଯାଇଥିବା ବେଳେ ଆଉ ଦୁଇଜଣଙ୍କୁ ଉଦ୍ଧାର ପାଇଁ ଉଦ୍ୟମ ଚାଲିଛି । ଗଙ୍ଗୌର ବିସର୍ଜନ ପାଇଁ କୂଅକୁ ସଫା କରାଯାଉଥିଲା। ଯାହା ପାଇଁ ୮ ଜଣ ଲୋକ କୂଅ ଭିତରକୁ ଓହ୍ଲାଇଥିଲେ। କୂଅ ଭିତରକୁ ଥିବା ଏକ ନାଳ ଦେଇ ଗାଁର ମଇଳା ପାଣି କୂଅକୁ ଯାଏ । ଯାହା ଫଳରେ କୂଅଟି ଅଳିଆ ଅବାର୍ଜନାରେ ଭର୍ତ୍ତି ହୋଇଥିଲା । ଏହାକୁ ସଫା କରିବା ପାଇଁ ୮ ଜଣ ଲୋକ ଓହ୍ଲାଇ ଆସିଥିଲେ। ହେଲେ କୂଅରେ ବିଷାକ୍ତ ଗ୍ୟାସ ସୃଷ୍ଟି ହେବା ଯୋଗୁଁ ଏହି ଲୋକମାନେ ଶ୍ୱାସରୁଦ୍ଧ ହୋଇ ଏମାନଙ୍କ ମୃତ୍ୟୁ ଘଟିଥିବା କହିଛନ୍ତି ଗାଁ ଲୋକ ।