ଗାଜା ଚର୍ଚ୍ଚରେ ଇସ୍ରାଏଲର ଏୟାର ଷ୍ଟ୍ରାଇକ, ୮ ପାଲେଷ୍ଟିନୀୟ ନାଗରିକଙ୍କ ମୃତ୍ୟୁ

ଗାଜା: ଇସ୍ରାଏଲ-ଗାଜା ଯୁଦ୍ଧ ଆଜି ୧୪ ଦିନରେ ପହଞ୍ଚିଛି । ଏବେବି ଚାଲିଛି ଘମାଘୋଟ ସଂଘର୍ଷ। ଗାଜାର ଏକ ଚର୍ଚ୍ଚ ଉପରେ ଇସ୍ରାଏଲ ପକ୍ଷରୁ ଏୟାର ଷ୍ଟ୍ରାଇକ୍ ହୋଇଥିବା ଜଣାପଡିଛି । ଆକ୍ରମଣରେ ୮ ପାଲେଷ୍ଟିନୀୟ ନାଗରିକଙ୍କ ମୃତ୍ୟୁ ହୋଇଛି । ୧୦ରୁ ଅଧିକ ଗୁରୁତର ଆହତ ହୋଇଛନ୍ତି ।

ଗାଜା ସୀମାନ୍ତ ଅଲଜେଟନରେ ଥିବା ଏକ ଚର୍ଚ୍ଚ ଉପରେ ହୋଇଥିଲା ଏହି ହମଲା । ପାଲେଷ୍ଟାଇନ ଗଣମାଧ୍ୟମ ସଂସ୍ଥା ପକ୍ଷରୁ ଏହି ଆକ୍ରମଣ ନେଇ ସୂଚନା ଦିଆଯାଇଛି । ଗତକାଲି ରାତିରେ ହୋଇଥିଲା ଏହି ଆକ୍ରମଣ। ମୃତକଙ୍କ ମଧ୍ୟରେ ମହିଳା ଓ ଶିଶୁ ଅଛନ୍ତି। ହମଲାରେ ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି । ଗାଜା ଉପରେ ଇସ୍ରାଏଲର ଆକ୍ରମଣ ଜାରି ରହିଥିବାରୁ ଚର୍ଚ୍ଚରେ ଅନେକ ଆଶ୍ରୟ ନେଇଥିଲେ। ଚର୍ଚ୍ଚ ଉପରେ ଆକ୍ରମଣକୁ ନେଇ ଇସ୍ରାଏଲକୁ ନିନ୍ଦା କରିଛି ପାଲେଷ୍ଟାଇନ୍।