ଜବାହାରଲାଲ ନେହେରୁ ଷ୍ଟାଡିୟମରେ ବଡ ଅଘଟଣ, ଖସିପଡିଲା ସେଡ୍ ୮ ଆହତ
ନୂଆଦିଲ୍ଲୀ: ଜବାହାରଲାଲ ନେହେରୁ ଷ୍ଟାଡିୟମରେ ବଡ ଅଘଟଣ । ଷ୍ଟାଡିୟମର ଗେଟ ନମ୍ବର ୨ର ଏଣ୍ଟ୍ରି ଗେଟରେ ଏକ ସେଡ୍ ଭାଙ୍ଗି ପଡିଛି । ଏହି ଦୁର୍ଘଟଣାରେ ୮ ଜଣ ଆହତ ହୋଇଛନ୍ତି । ଅନେକ ଚାପି ହୋଇ ରହିଥିବା ଆଶଙ୍କା କରାଯାଉଛି । ଭଗ୍ନାବଶେଷ ହଟାଇବା ପାଇଁ କ୍ରେନର ସାହାଯ୍ୟ ନିଆଯାଉଛି ।
ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଘଟଣାସ୍ଥଳରୁ ଦୁଇ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ ଗେଟ ନମ୍ବର ୨ରେ କାମ ଚାଲିଥିଲା । ସେତେବେଳେ ସେଠାରେ କିଛି ଶ୍ରମିକ ବସି ଖାଉଥିଲେ । ହଠାତ୍ ଷ୍ଟାଡିୟମର ସେଡ୍ ଖସିପଡିବାରୁ ଅଧିକାଂଶ ସେଡ୍ ତଳେ ଚାପି ହୋଇ ରହିଛନ୍ତି ।
