ଗହୀରମଥା ସମୁଦ୍ର ଗୁଳିକାଣ୍ଡ ଘଟଣାରେ ୮ ମତ୍ସ୍ୟଜୀବୀ ଗିରଫ

ରାଜନଗର: କେନ୍ଦ୍ରାପଡ଼ା ରାଜନଗର ଗହୀରମଥା ସମୁଦ୍ର ଗୁଳିକାଣ୍ଡ ଘଟଣାରେ ୮ ଜଣ ଗିରଫ ହୋଇଛନ୍ତି । ୮ ମତ୍ସ୍ୟଜୀବୀଙ୍କୁ ଗିରଫ କରିଛି ତାଳଚୁଆ ସାମୁଦ୍ରିକ ଥାନା ପୋଲିସ୍ । ଗତ ରବିବାର ଦିନ ମାଛ ମାଫିଆମାନେ ବନବିଭାଗ ପାଟ୍ରୋଲିଂ ଟିମ୍ କୁ ଆକ୍ରମଣ କରି ୮ ଜଣ ମତ୍ସ୍ୟଜୀବୀଙ୍କୁ ଖସାଇ ନେଇଥିଲେ। ଏହି ଘଟଣାରେ ଗତକାଲି ଗିରଫ ହୋଇଥିଲେ ଟ୍ରଲର ମାଲିକ। ଗତ ରବିବାର ଏହି ଘଟଣା ଘଟିଥିଲା। ବେଆଇନ ଭାବେ ମାଛ ମାରୁଥିବା ୮ ମତ୍ସ୍ୟଜୀବୀଙ୍କୁ ଗିରଫ କରାଯାଇଥିଲା । କିନ୍ତୁ ମାଫିଆମାନେ ଫାୟାରିଂ କରି ସେମାନଙ୍କୁ ବନ ବିଭାଗ ହାତରୁ ଛଡ଼ାଇ ନେଇଥିଲେ। ସଂପୃକ୍ତ ଟ୍ରଲରଗୁଡ଼ିକ ବାଲେଶ୍ଵର ବଳରାମଗଡ଼ି ଅଞ୍ଚଳର ବୋଲି ଜଣାପଡ଼ିଛି ।