କରୋନା ବିରୋଧରେ ଯୁଦ୍ଧ: ତିଆରି ହେଲା ଆଉ ୭୮୦ ଶଯ୍ୟାର କୋଭିଡ୍ କେୟାର ସେଣ୍ଟର
1 min read
ରାଉରକେଲା: ରାଉରକେଲା ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ମୁକାବିଲା ପାଇଁ ରାଜ୍ୟ ସରକାର, ଜିଲ୍ଲା ପ୍ରଶାସନ ଓ ରାଉରକେଲା ମହାନଗର ନିଗମ ପଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ବିପିୟୁଟି ପରିସରରେ ପୂର୍ବରୁ ୨୪୦ ଶଯ୍ୟା ବିଶିଷ୍ଟ କୋଭିଡ କେୟାର ସେଣ୍ଟର ଥିବାବେଳେ ଏବେ ତିନୋଟି ପୃଥକ ପୃଥକ କୋଠାରେ ମୋଟ ୭୮୦ ଶଯ୍ୟାର କୋଭିଡ କେୟାର ସେଣ୍ଟର ସ୍ଥାପନ କରାଯାଇଛି । ଏହି ସେଣ୍ଟରରେ କୋଭିଡ ପଜିଟିଭ ରୋଗୀଙ୍କ ଚିକିତ୍ସା ହେବ । ସେଣ୍ଟରରେ ଖାଦ୍ୟ ପାନୀୟ ଠାରୁ ଆରମ୍ଭ କରି ସାନିଟାଇଜେସନ ଓ ଅନ୍ୟାନ୍ୟ ବ୍ୟବସ୍ଥା ରାଉରକେଲା ମହାନଗର ନିଗମ ପକ୍ଷରୁ କରାଯାଉଛି । ଏହାସହ ବିପିୟୁଟି ପରିସରରେ କୋଭିଡ ପଞ୍ଜୀକରଣ କେନ୍ଦ୍ର ମଧ୍ୟ ଖୋଲାଯାଇଛି ।
ବାହାରୁ ଆସୁଥିବା ଲୋକେ ରାଉରକେଲାରେ ପହଞ୍ଚିବା ପରେ ପ୍ରଥମେ ଏହି ପଞ୍ଜୀକରଣ କେନ୍ଦ୍ରକୁ ଯାଇ ନିଜର ପଞ୍ଜୀକରଣ କରାଇବେ । ଏହାପରେ ଡାକ୍ତରଙ୍କ ପରାମର୍ଶ ଅନୁସାରେ ହୋମ୍ କ୍ୱାରାଣ୍ଟିନ ବା ସରକାରୀ କ୍ୱାରାଣ୍ଟିନରେ ରହିବେ । ଅନ୍ୟପକ୍ଷରେ ରାଉରକେଲା ସରକାରୀ ଚିକିତ୍ସାଳୟ (RGH) ଓପିଡି ଗତକାଲି ଠାରୁ ବନ୍ଦ କରାଯାଇଛି ।
୧୩,୧୪,୧୫ ତାରିଖ ଓପିଡି ଵନ୍ଦ ରହିବ ବୋଲି ଚିକିତ୍ସାଳୟ ପଷରୁ ନିର୍ଦେଶାନାମା ଜାରି କରାଯାଇଛି । ଗତକାଲି ଠାରୁ ଓପିଡି ବନ୍ଦ ରହଥିଲେ ବି ରାଉରକେଲା ସରକାରୀ ଚିକିତ୍ସାଳୟରେ ଏମରଜେନସି ସେଵା ଖୋଲା ରହିଛି । ରାଉରକେଲା ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବାରୁ ଓ ଚିକିତ୍ସାଳୟର ୧୦ରୁ ଅଧିକ କର୍ମଚାରୀ ଓ ଡାକ୍ତର ହୋମ କ୍ୱାରେଣ୍ଟାଇନରେ ଥିବାରୁ ଏହାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।
