ବିଶ୍ବପ୍ରସିଦ୍ଧ ଧନୁଯାତ୍ରାକୁ ୭୫ ବର୍ଷ, ଜୋରସୋରରେ ଚାଲିଛି ଚୟନ ପ୍ରକ୍ରିୟା

ବରଗଡ: ବିଶ୍ବପ୍ରସିଦ୍ଧ ଧନୁଯାତ୍ରାକୁ ପୁରିବ ୭୫ ବର୍ଷ । ଆସନ୍ତା ଡିସେମ୍ବର ୨୭ ତାରିଖରୁ ଜାନୁୟାରୀ ୬ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ବରଗଡ଼ ଧନୁଯାତ୍ରା । ସ୍ଥାନୀୟ ବିଜୁ ପଟ୍ଟନାୟକ ଟାଉନ ହଲ ଠାରେ ପ୍ରଥମ ପର୍ଯ୍ୟାୟରେ କଳାକାର ଚୟନ ପ୍ରକ୍ରିୟା ଆରମ୍ଭ ହୋଇଛି । ଆଜି ଦେବକୀ, ବସୁଦେବ, ଉଗ୍ରେସନ, ନାରଦ, ସେନାପତି ଭୂମିକାରେ ବିଭିନ୍ନ ଜିଲ୍ଲାର ବହୁ କଳାକାର ମାନେ ଆସି ଚୟନ ପ୍ରକ୍ରିୟାରେ ଭାଗ ନେଇଛନ୍ତି ।

ଚୟନ ପ୍ରକ୍ରିୟାରେ 7 ଜଣ ଜଜ୍ ନିୟୋଜିତ ହୋଇଛନ୍ତି । ତିନି ଦିନ ଧରି ଚୟନ ପ୍ରକ୍ରିୟା ହେବାକୁ ଥିବା ବେଳେ ଆଜି 55 ଜଣ କଳାକାର ନିଜର ଅଭିନୟ ପ୍ରଦର୍ଶନ କରିଥିଲେ । ଉଗ୍ରସେନ ପାଇଁ 6 ଜଣ, ଦେବକୀ ପାଇଁ 4 ଜଣ, ସେନାପତି ପାଇଁ 24 ଜଣ, ନାରଦ ପାଇଁ 7 ଜଣ ଓ ବସୁଦେବ ପାଇଁ 14 ଜଣ ଏହି ପ୍ରକ୍ରିୟାରେ ଅଂଶ ଗ୍ରହଣ କରିଥିଲେ ।