ବିଜେପି କାର୍ଯ୍ୟାଳୟରେ କରୋନା ବିସ୍ଫୋରଣ, ୭୫ ନେତା କରୋନା ପଜିଟିଭ୍

ପାଟଣା : ବିହାରରେ କରୋନା ଧିରେ ଧିରେ ଭୟଙ୍କର ହେବାରେ ଲାଗିଛି । ବିହାର ବିଜେପିର ୭୫ନେତା କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କରୋନା ସଂକ୍ରମିତ ନେତାଙ୍କ ମଧ୍ୟରେ ଅଛନ୍ତି ସଂଗଠନର ମହସଚିବ ନାଗେନ୍ଦ୍ର, ପ୍ରଦେଶ ମହାସଚିବ ଦିନେଶ କୁମାର, ପ୍ରଦେଶ ଉପାଧ୍ୟକ୍ଷ ରାଜେଶ ବର୍ମା, ରାଧା ମୋହନ ଶର୍ମା । ଏମାନଙ୍କ ଛଡା ବିଜପିର ଅନ୍ୟ କେତେଜଣ ନେତା ମଧ୍ୟ କରୋନା ସଂକ୍ରମିତ ହୋଇଛନ୍ତି ।  ବିହାରରେ ଏମିତି ପ୍ରଥମ ଥର ପାଇଁ ହୋଇଛି  ଯେଉଁଠି ଏକାଥରେ ଏତେ ସଂଖ୍ୟାରେ ନେତା ଓ ମନ୍ତ୍ରୀ ପଜିଟିଭ୍  ହୋଇଛନ୍ତି ।

ନିର୍ବାଚନକୁ ନେଇ ଲଗାତାର କରାଯାଉଛି ରାଲି

ବିହାରରେ ଏବର୍ଷ ଶେଷ ସୁଧା ବିଧାନସଭା ନିର୍ବାଚନ ହେବାକୁ ଯାଉଛି । ଏହିକୁ ନେଇ ଦଳୀୟ ନେତା କାର୍ଯ୍ୟାଳୟରେ ବିଭିନ୍ନ ବୈଠକ କରୁଛନ୍ତି । ବିଜେପିର ଏହି ବୈଠକ ପାଟଣା ସ୍ଥିତ ଦଳୀୟ କାର୍ଯ୍ୟଳୟରେ ଚାଲୁଛି । ଯେଉଁଥିରେ ଲଗାତାର ଅନେକ ନେତା ସାମିଲ ମଧ୍ୟ ହେଉଛନ୍ତି । ଯେହେତୁ ଏବର୍ଷ ଶେଷ ସୁଧା ନିର୍ବାଚନ ହେବାକୁ ଅଛି ତେଣୁ ବିଭିନ୍ନ ନେତା ରାଲିର କାର୍ଯ୍ୟକ୍ରମ ଚଳାଉଛନ୍ତି । ତେଣୁ ଏମିତିରେ ଆଶଙ୍କା କରାଯାଉଛି ଯେ, ନେତାମାନେ ଗୋଟିଏ ସ୍ଥାନରେ ଏକଜୁଟ ହେବା କାରଣରୁ ବିଜେପି ମୁଖ୍ୟାଳୟରେ କରୋନା ବିସ୍ଫୋରଣ ହୋଇଛି ।

ବିହାରରେ ୧୭ହଜାରରୁ ଅଧିକ ରହିଛି କରୋନା ମାମଲା

ଆପଣଙ୍କୁ କହି ରଖୁଛୁ  ଯେ, ବିହାରରେ କରୋନା ସଂକ୍ରମିତଙ୍କ ସଂଖ୍ୟା ୧୭ହଜାର ପାର ହୋଇଯାଇଛି । ଏବଂ ଏଠାରେ ୧୫୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ବିହାରରେ ସୋମବାର ଦିନ ୧୧ଶହରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ରାଜଧାନୀ ପଟଣାରେ ଗତକାଲି ସର୍ବାଧିକ ୨୨୮ଟି ସଂକ୍ରମିତ ଚିହ୍ନଟ ହୋଇଛନ୍ତି ।

ପୁଣି ଲକଡାଉନ୍ ପାଇଁ ପ୍ରସ୍ତୁତି

ବଢୁଥିବା କରୋନା ସଂକ୍ରମଣକୁ ଦେଖି ଆଗକୁ ଲକଡାଉନ ପାଇଁ ନୂଆ ନିଷ୍ପତ୍ତି ନିଆଯାଇପାରେ ବୋଲି ଆସା କରାଯାଉଛି । ବିଜେପିର ପ୍ରଦେଶ ମୁଖ୍ୟାଳୟରେ ଏଭଳି ଭାବେ କରୋନା ବିସ୍ଫୋରଣ ଦେଖି ସମସ୍ତ ସରକାରୀ ବିଭାଗର ଚିନ୍ତା ବଢିଯାଇଛି ।