ଚାଭାରେ ବିକ୍କି କୌଶଲଙ୍କ ସହ ନାଚିଲେ ୭୦୦ ଡାନ୍ସର
ମୁମ୍ବାଇ: ବିକି କୌଶଲ ଓ ରଶ୍ମିକା ମନ୍ଦାନାଙ୍କ ‘ଚାଭା’ର ଟିଜର ରିଲିଜ ପରେ ଉତ୍ସାହିତ ଫ୍ୟାନ୍ସ । ଏହି ଚଳଚ୍ଚିତ୍ରର ଅଫିସିଆଲ୍ ଟିଜର ଅଗଷ୍ଟ ୧୯ରେ ମୁକ୍ତିଲାଭ କରିଛି । ‘ଚାଭା’ର ଅପଡେଟ୍ ଆସିବା ପରେ ଦର୍ଶକଙ୍କ ଉତ୍ସାହ ଆହୁରି ବୃଦ୍ଧି ପାଇଛି । କୁହାଯାଉଛି ଯେ ‘ଚାଭା’ରେ ଏକ ଗୀତ ରହିଛି, ଯେଉଁ ଗୀତର ସୁଟିଂ ପାଇଁ ୭୦୦ ନୃତ୍ୟଶିଳ୍ପୀଙ୍କୁ ବ୍ୟବହାର କରାଯାଇଛି ।
ଛତ୍ରପତି ସମ୍ୱାଜୀ ମହାରାଜ ୧୭ ଶତାବ୍ଦୀର ଜଣେ ମରାଠା ଯୋଦ୍ଧା ଥିଲେ। ଏହି ଚଳଚ୍ଚିତ୍ରଟି ସାମ୍ବାଜୀ ଏବଂ ମୋଗଲ ସମ୍ରାଟ ଔରଙ୍ଗଜେବଙ୍କ କାହାଣୀ ଉପରେ ଆଧାରିତ | ‘ଚାଭା’ରେ ରଶ୍ମିକା ମନ୍ଦାନା ସମ୍ୱାଜୀ ମହାରାଜଙ୍କ ପତ୍ନୀ’ ୟସୁବାଇ ‘ଭୂମିକାରେ ଅଭିନୟ କରୁଛନ୍ତି। ଲକ୍ଷ୍ମଣ ଉଟେକର ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି । ଏହି ଚଳଚ୍ଚିତ୍ରଟି ହେଉଛି ତାଙ୍କର ପ୍ରଥମ ଐତିହାସିକ ଡ୍ରାମା ଯାହା ମରାଠା ରାଜା ସମ୍ୱାଜୀ ମହାରାଜଙ୍କ ଉପରେ ଆଧାରିତ । ବିକି କୌଶଲଙ୍କ ଲୁକ୍ ଏବଂ ସେଟ୍କୁ ଟିଜରରେ ବହୁତ ପ୍ରଶଂସା କରିଛନ୍ତି ଦର୍ଶକ ।
ଚାଭା’ କାହାଣୀର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ହେଉଛି ୧୬୧୮ ମସିହାରେ ଯେତେବେଳେ ସମ୍ୱାଜୀ ମହାରାଜଙ୍କ ରାଜ୍ୟାଭିଷେକ ହୋଇଥିଲା।ଏକ ରିପୋର୍ଟରେ କୁହାଯାଇଛି ଯେ ଚଳିତ ବର୍ଷ ମେ ମାସରେ ଏହି ଦୃଶ୍ୟ ପାଇଁ ଏକ ଗୀତ ପ୍ରସ୍ତୁତ କରାଯାଇଥିଲା ଯେଉଁଥିରେ ବିକି ଓ ରଶ୍ମିକାଙ୍କ ସହ ପ୍ରାୟ ୭୦୦ ନୃତ୍ୟଶିଳ୍ପୀ ସାମିଲ ହୋଇଥିଲେ। ସୂଚନାନୁସାରେ, ଏହି ଗୀତ ପାଇଁ ଫିଲ୍ମ ସିଟିରେ ରାଇଗଡ ଦୁର୍ଗ ପରି ଏକ ଚମତ୍କାର ସେଟ୍ ପ୍ରସ୍ତୁତ କରାଯାଇଥିଲା। ଡିଜାଇନର୍ ସୁବ୍ରତ ଚକ୍ରବର୍ତ୍ତୀ ଏବଂ ଅମିତ ରୟଙ୍କ ଦ୍ୱାରା ଏହି ସେଟ୍ ପ୍ରସ୍ତୁତ କରାଯାଇଥିଲା ।|
