ଗାଜା: ଅସ୍ତ୍ରବିରତି ଘୋଷଣା ସତ୍ତ୍ଵେ ଥମୁନି ଇସ୍ରାଏଲର ଆକ୍ରମଣ। ଗାଜା ଉପରେ ଘନ ଘନ ଆକ୍ରମଣ କରିବାରୁ ୭୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛିି। ଗାଜା ସ୍ଵାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏହା କୁହାଯାଇଛି। ଇସ୍ରାଏଲ ଏହି ଜଘନ୍ୟ ଆକ୍ରମଣ ଓ ସାଧାରଣ ଲୋକଙ୍କ ମୃତ୍ୟୁ ପରେ ଶାନ୍ତି ପ୍ରକ୍ରିୟାକୁ ଧକ୍କା ଲାଗିଛି। ଶାନ୍ତି ପ୍ରତିଷ୍ଠା ଉପରେ ପ୍ରଶ୍ନଚିହ୍ନ ଲାଗିଛି। ଅନ୍ତର୍ଜାତୀୟ ସମୁଦାୟ ହସ୍ତକ୍ଷେପ କରନ୍ତୁ ବୋଲି ଦାବି କରିଛି ଗାଜା। ଦିନକ ଆଗରୁ ହିଁ ହମାସ ଓ ଇସ୍ରାଏଲ ମଧ୍ୟରେ ଯୁଦ୍ଧ ବିରତି ଘୋଷଣା ହୋଇଥିଲା। ସର୍ତ୍ତ ରହିଥିଲା ମୁଣ୍ଡ ଜାମିନ ରଖିଥିବା ଇସ୍ରାଏଲର ୩୩ ନାଗରିକଙ୍କୁ ଛାଡ଼ି ଦେବ ହମାସ । ପ୍ରତି ବଦଳରେ ହଜାରେ ପାଲେଷ୍ଟାଇନ ବନ୍ଦୀଙ୍କୁ ମୁକ୍ତ କରିବ ଇସ୍ରାଏଲ। କିନ୍ତୁ ଏହା ପରେ ବି ଇସ୍ରାଏଲ ଆକ୍ରମଣ କରିଛି, ଯେଉଁଥିରେ ୭୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଏହା ପରେ ହମାସ ହୁଏତ ପ୍ରତି ଆକ୍ରମଣ କରିପାରେ। ଏହାର ଅର୍ଥ ଯୁଦ୍ଧ ଆହୁରି ବଢିବାର ଆଶଙ୍କା ଅଛି। ୨୦୨୩ ଅକ୍ଟୋବର ୭ରେ ଇସ୍ରାଏଲ ଉପରେ ହମାସର ଆକ୍ରମଣ ପରଠାରୁ ଏହି ଯୁଦ୍ଧ ଚାଲିଛି। ଏହି ଦେଢ଼ ବର୍ଷର ଯୁଦ୍ଧରେ ୫୦ ହଜାର ଲୋକଙ୍କ ମୃତ୍ୟୁ ହେଲାଣି। ଧ୍ଵଂସସ୍ତୁପରେ ପରିଣତ ହୋଇଛି ଗାଜା ଓ ଲେବାନନ। ଇସ୍ରାଏଲ ମଧ୍ୟ ଅନେକ କ୍ଷତି ସହିଛି।
