କାଲକାନାଗିରି: ଚିକିତ୍ସା ଅବହେଳା ରୁ ୭ ବର୍ଷର ଝିଅର ମୃତ୍ୟୁ ହୋଇଥିବା ଅଭିଯୋଗ। ମୃତ ଦେହ ରଖି ଜିଲ୍ଲାପାଳ ଙ୍କ କାର୍ଯ୍ୟଳୟ ଆଗରେ ଧାରଣା ଦେଲେ ପରିବାର ଲୋକେ। ମାଲକାନଗିରି ଜିଲ୍ଲା ୧୧୯ କଲୋନୀର ସହଦେଵ ନାଗ ଙ୍କ ୭ ବର୍ଷର ଝିଅ ଏଲିସା ନାଗ ଛୋଟ ଥିବା ବେଳେ ଗୋଟିଏ ହାତ ପୋଡି ଯାଇ ଅକାମି ହୋଇଥିଲା। ତେବେ ବହୁବାର ଝିଅର ଚିକିତ୍ସା ନିମନ୍ତେ ମାଲକାନଗିରି ମେଡ଼ିକାଲ ନେଇଥିବା ପରେ ଗତ ମାର୍ଚ୍ଚ ୧ ତାରିଖରେ ଝିଅକୁ ଉତ୍ତମ ଚିକିତ୍ସା ପାଇଁ କଟକ SCB ମେଡ଼ିକାଲ କୁ ଅଣା ଯାଇଥିଲା।
ସେଠାରେ ଚିକିତ୍ସା ପରେ ଝିଅ ଟିର ମୃତ୍ୟୁ ହୋଇଛି। ତେବେ ଚିକିତ୍ସା ଅବହେଳା ପାଇଁ ଝିଅଟିର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଚିକିତ୍ସା ରେ ଅବହେଳା ଯୋଗୁଁ ଝିଅର ମୃତ୍ୟୁ ହୋଇଥିବା ଅଭିଯୋଗ କରି ଝିଅର ମୃତ ଦେହ କୁ କଟକ SCBରୁ ଆଣି ମାଲକାନଗିରି ଜିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ରଖି ଆଜି ଶତାଧିକ ଲୋକେ ନ୍ୟାୟ ଦାବିରେ ଧାରଣା ଦେଇଛନ୍ତି।
