ମାଛକୁଣ୍ଡ ପୋଲିସକୁ ବଡ଼ ସଫଳତା, ଚାଲାଣ ବେଳେ ସାଢ଼େ ୭ କୁଇଣ୍ଟାଲ ଗଞ୍ଜେଇ ଜବତ

ଲମତାପୁଟ: ପୁଣି ମାଛକୁଣ୍ଡ ପୋଲିସକୁ ବଡ଼ ସଫଳତା । ଚାଲାଣ ବେଳେ ଧରାପଡ଼ିଲା ସାଢ଼େ ସାତ କୁଇଣ୍ଟାଲ ଗଞ୍ଜେଇ । ୩ ଘଣ୍ଟାର ଅପରେସନ ପରେ ମାଛକୁଣ୍ଡ ଓ ଲମତାପୁଟ ପୋଲିସକୁ ମିଳିଛି ବଡ଼ ସଫଳତା । କଣ୍ଟାଗାଁ ନିକଟ ଜଙ୍ଗଲରୁ ମାଛକୁଣ୍ଡ ପୋଲିସ ସାଢ଼େ ୭ କୁଇଣ୍ଟାଲ ଗଞ୍ଜେଇ ଜବତ କରିଛି । ଯାହାର ମୂଲ୍ୟ ପ୍ରାୟ ୮୦ ଲକ୍ଷ ଟଙ୍କା ହେବ । ପୋଲିସକୁ ଦେଖି ମାଫିଆମାନେ ଜଙ୍ଗଲ ଦେଇ ଫେରାର ହୋଇଯାଇଥିଲେ । ୨୯ଟି ବସ୍ତାରେ ଥିବା ଗଞ୍ଜେଇକୁ ପୋଲିସ ଜବତ କରିଥିଲା । ଜବତ ଗଞ୍ଜେଇ ବାହାର ରାଜ୍ୟକୁ ଚୋରା ଚାଲାଣ କରାଯାଉଥିବା କହିଛି ପୋଲିସ ।