ବ୍ଲାକ୍ ଫଙ୍ଗସ ରୋଗୀଙ୍କ ସ୍ବାସ୍ଥ୍ୟବସ୍ଥାର ନୀରିକ୍ଷଣ ପାଇଁ ସ୍ବତନ୍ତ୍ର ଟିମ୍
ଭୁବନେଶ୍ୱର: ରାଜ୍ୟରେ ବ୍ଲାକ୍ ଫଙ୍ଗସ ରୋଗୀଙ୍କ ସ୍ବାସ୍ଥ୍ୟବସ୍ଥାର ନୀରିକ୍ଷଣ ପାଇଁ ସ୍ବତନ୍ତ୍ର ଟିମ୍ ଗଠନ କଲା ସ୍ୱାସ୍ଥ୍ୟ ବିଭାଗ । ଏଥିସହ ସ୍ବତନ୍ତ୍ର ଗାଇଡଲାଇନ ଆଧାରରେ ରୋଗୀଙ୍କୁ ଫଙ୍ଗସ୍ ହୋଇଛି କି ନାହିଁ ଆଗୁଆ ଲକ୍ଷଣ ଚିହ୍ନଟ କରିବା ସହ ଚିକିତ୍ସା ପାଇଁ ବ୍ୟବସ୍ଥା କରାଯିବ । ସରକାରୀ ମେଡିକାଲ କଲେଜକୁ ମଧ୍ୟ ସ୍ବତନ୍ତ୍ର ଗାଇଡଲାଇନ୍ ଜାରି କରାଯାଇଛି ।
ଏନେଇ ୭ଜଣିଆ କମିଟି ଗଠନ କରିଛି ରାଜ୍ୟ ସରକାରଙ୍କ ସ୍ୱାସ୍ଥ୍ୟ ବିଭାଗ । ଡାକ୍ତର ନିରୂପମା ଚୟନି କମିଟିର ଅଧ୍ୟକ୍ଷ ଥିବା ବେଳେ ଜନସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ଡାକ୍ତର ନିରଞ୍ଜନ ମିଶ୍ର କମିଟିର ଆବାହକ ଅଛନ୍ତି । ଏଥିସହ ଡାକ୍ତର ଜୟନ୍ତ କୁମାର ପଣ୍ଡା, ଡାକ୍ତର ଶୁଭବ୍ରତ ପରିଡ଼ା, ଡାକ୍ତର ସୁବ୍ରତ ବେହେରା ଓ ଡାକ୍ତର ପ୍ରସନଜିତ ମହାନ୍ତି, ଡାକ୍ତର ଜ୍ୟୋତି ପଟ୍ଟନାୟକ କମିଟିର ସଦସ୍ୟ ଅଛନ୍ତି ।
