ଉଟା: ଆମେରିକାର ଉଟାରେ ରବିବାର ଅପରାହ୍ନରେ ଧୂଳି ଝଡ ଯୋଗୁଁ ୨୦ଟି ଗାଡି ପରସ୍ପର ସହ ଧକ୍କା ହେବା ଫଳରେ ୭ ଜଣଙ୍କର ମୃତ୍ୟୁ ହୋଇଛି। ଏକ ସମାଚାର ବିଜ୍ଞପ୍ତିରେ କୁହାଯାଇଛି ଯେ କାନୋଶ ନିକଟସ୍ଥ ‘ଇଣ୍ଟରଷ୍ଟେଟ୍ ୧୫’ ରେ ଏହି ଦୁର୍ଘଟଣା ଘଟିଥିଲା ଯେଉଁଥିରେ ୭ ଜଣଙ୍କର ମୃତ୍ୟୁ ହୋଇଛି। ଏହା ବ୍ୟତୀତ ଅନେକ ଗୁରୁତର ଆହତ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଖବର ଆସିଛି।
ଉଟା ହାଇୱେ ପେଟ୍ରୋଲ କହିଛି ଯେ ବାଲି ଝଡ ଯୋଗୁଁ କିଛି ଦୃଶ୍ୟମାନ ହୋଇନଥିଲା ଯାହାଫଳରେ ଯାନବାହାନ ପରସ୍ପର ସହ ଧକ୍କା ହୋଇଥିଲେ। ରବିବାର ବିଳମ୍ବିତ ରାତିରେ ‘ଇଣ୍ଟରଷ୍ଟେଟ୍ ୧୫’ ଆଂଶିକ ଭାବେ ବନ୍ଦ ଥିଲା। ଦୁର୍ଘଟଣା ସ୍ଥଳରେ ଯାତାୟାତ ବାଧାପ୍ରାପ୍ତ ହୋଇଥିଲା। କାନୋଶ ସଲ୍ଟ ଲେକ୍ ସିଟିର ଦକ୍ଷିଣରେ ପ୍ରାୟ ୧୬୦ ମାଇଲ ଦୂରରେ ଅବସ୍ଥିତ।
