ଆତଙ୍କବାଦୀଙ୍କ ଯୋଜନା ପଣ୍ଡ: ଜମ୍ମୁରୁ ୭ କେ.ଜି ବିସ୍ଫୋରକ ଜବତ
ଜମ୍ମୁ କଶ୍ମୀର: ସୁରକ୍ଷା ବାହିନୀ ଜମ୍ମୁ କଶ୍ମୀର ବସ୍ଷ୍ଟାଣ୍ଡରୁ ବହୁ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି । ସୂଚନା ମୁତାବକ ପୁଲଓ୍ୱାମା ଆକ୍ରମଣର ଦ୍ୱିତୀୟ ବର୍ଷରେ ଆତଙ୍କବାଦୀ ଏକ ବଡ଼ ଧରଣର ଆକ୍ରମଣ କରିବାକୁ ଯୋଜନା କରୁଥିଲେ । ଏ ନେଇ ସନ୍ଧ୍ୟା ସାଢ଼େ ୪ଟାରେ ଜମ୍ମୁ ଜୋନ ଆଇଜି ମୁକେଶ ସିଂହ ସାମ୍ୱାଦିକ ସମ୍ମିଳନୀରେ ବିସ୍ତୃତ ସୂଚନା ଦେବେ ।
ସୁରକ୍ଷା ବାହିନୀ ରବିବାର ଜମ୍ମୁ ବସ୍ଷ୍ଟାଣ୍ଡ ନିକଟରେ ବହୁ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛନ୍ତି । ସୂଚନା ଯୋଗ୍ୟ ଯେ, ୨ ବର୍ଷ ପୂର୍ବେ ଆଜିକାର ଦିନରେ ପୁଲଓ୍ୱାମାରେ ଘଟିଥିବା ବିସ୍ଫୋରଣରେ ୪୦ ଜଣ ସୁରକ୍ଷାକର୍ମୀ ପ୍ରାଣ ହରାଇଥିଲେ । ତେବେ ଆଜି ଏହି ଘଟଣାକୁ ଦୁଇ ବର୍ଷ ପୂରୁଥିବା ବେଳେ ଆତଙ୍କବାଦୀମାନେ ସମାନ ଘଟଣାର ପୁନରାବୃତ୍ତି କରିବା ସହ ଲୋକଙ୍କ ମନରେ ଭୟ ସୃଷ୍ଟି କରିବାକୁ ଚେଷ୍ଟା କରିଛନ୍ତି ।
