କୁକୁର ହୋଇ ଜନ୍ମ, ସୈନିକ ଭାବେ ଅବସର…କେମିତି ଥିଲା ବିଦାୟ ସମ୍ବର୍ଦ୍ଧନା, ପଢ଼ନ୍ତୁ…

ନୂଆଦିଲ୍ଲୀ: କର୍ମ ହିଁ ଭଗବାନ । ସୁକର୍ମ ହିଁ ଖାଲି ମଣିଷ ନୁହେଁ ପଶୁଙ୍କୁ ମଧ୍ୟ ସୁଖ୍ୟାତି ଦିଏ, ଏହା ପ୍ରମାଣିତ ହୋଇଛି । କୁକୁର ହୋଇ ଜନ୍ମ ହୋଇଥିଲେ ସୁଦ୍ଧା ଜଣେ ସୈନିକ ଭାବରେ 7 କୁକୁରଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି । CISF ସହ ଅର୍ଦ୍ଧସାମରିକ ବାହିନୀରେ ୮ ବର୍ଷ ଧରି କାର୍ଯ୍ୟ କରିବା ପରେ ୭ କୁରୁରଙ୍କ ଦିଆଯାଇଥିଲା ଏଭଳି ସମ୍ମାନଜନକ ବିଦାୟ ।

ନୂଆଦିଲ୍ଲୀସ୍ଥିତ ସିଆଇଏସଏଫ କ୍ୟାମ୍ପସରେ ଏନେଇ ଏକ ସ୍ୱତନ୍ତ୍ର ସଭାର ଆୟୋଜନ ହୋଇଥିଲା । ଜଣେ ବୀର ସୈନିକଙ୍କୁ ଯେଭଳି ବିଦାୟକାଳୀନ ସମ୍ବର୍ଦ୍ଧିତ କରାଯାଏ ୭ ଜଣ କୁକୁରଙ୍କୁ ସୈନିକ ଭାବେ ମାନପତ୍ର ଓ ମେଡାଲ ଦିଆଯାଇଥିଲା ।

ଏହାର ଫଟୋକୁ CISF ଟ୍ୱିଟ୍‌ର ପୃଷ୍ଠାରେ ଅପଲୋଡ କରାଯାଇଥିଲା । ଆଉ ଲେଖାଯାଥିଲା ‘Born as a dog, but retired as a soilder’ । କୁକୁର ହୋଇ ଜନ୍ମ ହୋଇଥିଲେ ସିନା, ମାତ୍ର ନିଜର କର୍ତ୍ତବ୍ୟ ପରାୟଣତା, ନିଷ୍ଠା ଓ କାର୍ଯ୍ୟ ଦକ୍ଷତା ଏମାନଙ୍କୁ ଜଣେ ସୈନିକର ପରିଚୟ ଦେଇଛି ।