5-ଟି ମାଧ୍ୟମରେ ରୂପାନ୍ତରଣ ହେବ ଗଜପତି ଜିଲ୍ଲାର 7ଟି ବ୍ଲକର 60ଟି ହାଇସ୍କୁଲ
1 min read
ଭୁବନେଶ୍ୱର: ରାଜ୍ୟ ସରକାରଙ୍କ 5-ଟି ମାଧ୍ୟମରେ ରୂପାନ୍ତରଣ ହେବ ଗଜପତିର 60ଟି ହାଇସ୍କୁଲ । ଏନେଇ ଭିଡ଼ିଓ କନଫରେନସିଂ ମାଧ୍ୟମରେ ଘୋଷଣା କରିଛନ୍ତି 5T ସଚିବ ଭି. କେ ପାଣ୍ଡିଆନ । ଜ଼ିଲ୍ଲାର 7ଟି ବ୍ଲକର 60ଟି ହାଇସ୍କୁଲରେ ରୂପାନ୍ତରଣ ପ୍ରକ୍ରିୟା ଜାରି ରହିଥିବା ବେଳେ ସେଥି ମଧ୍ୟରୁ ମୋହନା ବ୍ଲକର 17 ଟି ହାଇସ୍କୁଲ ଅନ୍ତର୍ଭୁକ୍ତ ରହିଛି ।
ନିର୍ମାଣ କାର୍ଯ୍ୟ ସରିବା ପରେ କିଭଳି ସ୍ମାର୍ଟ ସ୍କୁଲ ଗୁଡିକୁ ପରିଚାଳନା କରାଯିବ ସେ ସମ୍ପର୍କରେ ପ୍ରଧାନ ଶିକ୍ଷକ ଏବଂ ସ୍କୁଲ ପରିଚାଳନା କମିଟି ସହ ଆଲୋଚନା କରିଛନ୍ତି 5T ସଚିବ । ଏହାସହ କନଫରେନସିଂରେ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ସେମାନଙ୍କ ଲକ୍ଷ୍ୟ ସମ୍ପର୍କରେ ପଚାରି ବୁଝିଥିଲେ 5ଟି ସଚିବ l ଶିକ୍ଷା କ୍ଷେତ୍ରରେ ଏଭଳି ଯୁଗାନ୍ତକାରୀ ପଦକ୍ଷେପ ପାଇଁ ଜ଼ିଲ୍ଲାବାସୀ ରାଜ୍ୟ ସରକାରଙ୍କୁ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ।
