୬ ବର୍ଷର ଇସଲାମ ଧର୍ମୀୟ ଶିଶୁକୁ ଲଗାତର ହୋଇଛି  ୨୬ଥର ଛୁରାମାଡ଼

ନନ୍ଦିଘୋଷ ବ୍ୟୁରୋ: ଆମେରିକାରେ ଗାଜା-ଇସ୍ରାଏଲ ଯୁଦ୍ଧର ଇଫେକ୍ଟ । ୬ ବର୍ଷର ଏକ ଇସଲାମ ଧର୍ମୀୟ ଶିଶୁକୁ ଲଗାତର ହୋଇଛି  ୨୬ ଥର ଛୁରାମାଡ଼ ।ଛୁରାମାଡ଼ରେ ଶିଶୁଟିର ମୃତ୍ୟୁ ହୋଇଥିବା ଜଣାପଡିଛି । ହେଟ୍ କ୍ରାଇମର ଏଭଳି ଏକ ଚାଞ୍ଚଲ୍ୟକର ଘଟଣା ଘଟିଛି ଆମେରିକା ସିକାଗୋର ଇଲିନଏସ୍ ସହରରେ । ୭୧ ବର୍ଷୀୟ ଜଣେ ବୃଦ୍ଧା ୬ ବର୍ଷୀୟ ଶିଶୁକୁ ଛୁରୀ ଭୁସି ହତ୍ୟା କରିଛି । ବାରମ୍ବାର ୨୬ ଥର ଛୁରୀ ଭୁସି ଶିଶୁକୁ ହତ୍ୟା କରିବା ସମ୍ପୃକ୍ତ ବୃଦ୍ଧ ଜଣଙ୍କର ଘୃଣାଭାବକୁ ଦର୍ଶାଉଛି । ଶିଶୁକୁ ହତ୍ୟା କରିବା ସହ ଶିଶୁର ମାଆକୁ ମଧ୍ୟ ଛୁରୀରେ ଆକ୍ରମଣ କରିଥିଲା ସମ୍ପୃକ୍ତ ବୃଦ୍ଧ । ତେବେ ମହିଳା ଜଣକ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଥିଲେ। ଇସଲାମ ଧର୍ମ ବିରୋଧୀ ଭାବନାକୁ ନେଇ ସମ୍ପୃକ୍ତ ବୃଦ୍ଧ ଜଣକ ଏଭଳି କାଣ୍ଡ ଘଟାଇଥିବା ପୋଲିସ କହିଛି  । ଗାଜା-ଇସ୍ରାଏଲ ଯୁଦ୍ଧ ପରେ ଆମେରିକାରେ ପୋଲିସ ହାଇ ଆଲର୍ଟରେ ରହିଛି । ଧର୍ମୀୟ ଭାବନାକୁ ନେଇ ବିଭିନ୍ନ ଗୋଷ୍ଠୀଙ୍କ ମଧ୍ୟରେ ସଂଘର୍ଷର ଆଂଶକା କରି ପୋଲିସ ଆଲର୍ଟରେ ରହିଛି।