ମାଲବାହୀ ଟ୍ରେନକୁ ଧକ୍କାଦେଲା ଯାତ୍ରୀବାହୀ ଟ୍ରେନ୍ । ଦୁର୍ଘଟଣାରେ ୬ ଯାତ୍ରୀଙ୍କ ମୃତ୍ୟୁ ସୂଚନା । ଆହୁରି ବଢିପାରେ ମୃତ୍ୟୁ ସଂଖ୍ୟା । ଛତିଶଗଡ଼ର ବିଳାସପୁର ଜିଲ୍ଲା ଜୟରାମନଗର ଷ୍ଟେସନ ନିକଟରେ ଘଟିଛି ଏହି ମର୍ମନ୍ତୁଦ ଟ୍ରେନ ଦୁର୍ଘଟଣା । ଘଟଣାରେ ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ଆଶଙ୍କା କରାଯାଉଛି। କୋରବା ପାସେଞ୍ଜର ଟ୍ରେନର ପ୍ରଥମ କୋଚ୍ ମାଲବାହୀ ଟ୍ରେନକୁ ଧକ୍କା ଦେଇଥିବା ଘଟଣାସ୍ଥଳରୁ ମିଳିଥିବା ଭିଡିଓ ଗୁଡ଼ିକରୁ ଜଣାପଡିଛି । ଘଟଣା ସ୍ଥଳରେ ରେଳ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଉଦ୍ଧାରକାରୀ ଦଳ ଏବଂ ରିଲିଫ୍ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାରକର୍ଯ୍ୟ ଜାରି ରଖିଛନ୍ତି । ଆହତମାନଙ୍କୁ ସହାୟତା ଏବଂ କ୍ଷୟକ୍ଷତି ଆକଳନ କରାଯାଉଛି ।
