ଦଲାଲଙ୍କ କବଳରୁ ୬ ନାବାଳିକା ଉଦ୍ଧାର, ଚାକିରି ନାଁରେ ତାମିଲନାଡୁ ନେଉଥିଲେ ଉଦ୍ଧାର କଲା ଅନ୍ତର୍ଜାତିକ ମାନବାଧିକାର ପରିଷଦ
1 min read
ବିଜୟୱାଡା: ଆନ୍ଧ୍ରପ୍ରଦେଶ ବିଜୟଓ୍ବାଡା ରେଳଷ୍ଟେସନରୁ ୬ ଜଣ ନାବାଳିକା ଉଦ୍ଧାର । ଉଦ୍ଧାର କଲା ଆନ୍ତର୍ଜାତିକ ମାନବାଧିକାର ପରିଷଦ । ସେମାନଙ୍କୁ ଉଦ୍ଧାର କରି ଓଡିଶା ଅଣାଯାଇଛି । ଉଦ୍ଧାର ନାବାଳିକା କେନ୍ଦୁଝର ଜିଲ୍ଲା ଘସିପୁରା ବ୍ଲକ ରାମଚନ୍ଦ୍ରପୁର ଥାନା ଅଞ୍ଚଳର । ରୋଜଗାର ଯୋଗାଇ ଦେବାକୁ କହି ସେମାନଙ୍କୁ ତାମିଲନାଡୁ ନେଉଥିଲେ ଅନିଲ ଓ ଚାନ୍ଦୁ ମୁଣ୍ଡା ନାମକ ଦଲାଲ ।
ବିଜୟଓ୍ବାଡ଼ା ଷ୍ଟେସନରେ RPF ପଚରାଉଚରା କରିବାବେଳେ ଦଲାଲ ଦୁଇଜଣ ଖସି ପଳାଇଥିଲେ । ବିଜୟଓ୍ବାଡା ରେଳବାଇ ପୋଲିସ୍ ନାବାଳିକାଙ୍କ ପରିବାରକୁ ସୂଚନା ଦେଇଥିଲା । ପରିବାର ଲୋକେ ଆନ୍ତର୍ଜାତିକ ମାନବାଧିକାର ପରିଷଦ ଓଡିଶା ଶାଖାର ରାଜ୍ୟ ସଭାପତି ସସ୍ମିତା ଦାସଙ୍କୁ ଯୋଗାଯୋଗ କରିଥିଲେ । ଏହାପରେ ବିଜୟଓ୍ବାଡା ରେଳବାଇ ପୋଲିସ୍ ଏବଂ ଆନ୍ଧ୍ରପ୍ରଦେଶ କ୍ରିଷ୍ଣା ଜିଲ୍ଲାର ଶିଶୁ ସୁରକ୍ଷା ଅଧିକାରୀଙ୍କ ସହିତ ଆଲୋଚନା କରିଥିଲେ । ନାବାଳିକାଙ୍କ ପରିବାର ବିଜୟଓ୍ବାଡା ଯାଇ ସେମାନଙ୍କ ଝିଅଙ୍କୁ ନେଇ ଆସିଛନ୍ତି ।
