ଦାନ୍ତ ହଳଦିଆ ପଡ଼ୁଥିଲେ ଏଥିପାଇଁ ୬ଟି ଘରୋଇ ଉପଚାର
ଦୈନନ୍ଦିନ ଜୀବନରେ ମଣିଷର ଖାଇବା, ପିଇବା ଯେପରି ଜରୁରୀ ଦାନ୍ତ ଘଷିବା ମଧ୍ୟ ନିତ୍ୟକର୍ମରେ ଅନ୍ତର୍ଭୁକ୍ତ ଥାଏ । ଦାନ୍ତକୁ ସଫା ରଖିବାକୁ ସମସ୍ତେ ଚେଷ୍ଟା କରନ୍ତି । ମାତ୍ର, କେତେକ ଲୋକଙ୍କ କ୍ଷେତ୍ରରେ ଦାନ୍ତରେ ହଳଦିଆପଣ ଦେଖାଯାଏ । ଅନେକ ଏହି କାରଣରୁ ଲଜ୍ଜା ମଧ୍ୟ ଅନୁଭବ କରିଥାନ୍ତି । ଦାନ୍ତକୁ ଧଳା କରିବା ପାଇଁ ଲୋକେ ନାମି ଦାମି ପ୍ରଡକ୍ଟର ଟୁଥପେଷ୍ଟ ହେଉ କିମ୍ୱା ଟୁଥ କ୍ଲିନିଙ୍ଗ୍ ଲିକୁଇଡ୍ ମଧ୍ୟ ବ୍ୟବହାର କରୁଛନ୍ତି । ମାତ୍ର, ଆଜି ଆମେ ଆପଣଙ୍କୁ ଏଭଳି ଉପାୟ ବିଷୟରେ କହିବୁ ଯାହା ଖୁବ୍ ଉପକାରୀ ହେବା ସହ ଅଯଥା ଖର୍ଚ୍ଚ ହେବାରୁ ବଞ୍ଚିବ । ଜାଣନ୍ତୁ ଦାନ୍ତକୁ ଚକଚକ୍ କରିବାର ୬ଟି ଘରୋଇ ଉପାୟ ବିଷୟରେ ।
ସଠିକ୍ ଡାଏଟ ପ୍ଲାନ୍ : ଶରୀରକୁ ସୁସ୍ଥ ଏବଂ ସବଳ ରଖିବାକୁ ହେଲେ ଫଳ ଓ ପନିପରିବା ସ୍ୱାସ୍ଥ୍ୟ ପକ୍ଷେ ଖୁବ୍ ଲାଭଦାୟକ । ବିଶେଷ କରି କଞ୍ଚା ଫଳ ଓ ସତେଜ ପନିପରିବା ଖାଇବା ଦ୍ୱାରା ଦାନ୍ତରେ ଥିବା କଳା ଦାଗ ଦୂର ହୁଏ । ଦାନ୍ତକୁ ଧଳା କରିବାକୁ ଚାହୁଁଥିଲେ ଷ୍ଟ୍ରବେରୀ ଓ ନାସପାତି ଭଳି ଫଳ ଖାଇବା ସବୁଠୁ ଭଲ ।
ଧୂମ୍ରପାନଠୁ ଦୂରେଇ ରୁହନ୍ତୁ : ଧୂମ୍ରପାନ କେବଳ କିଡନୀରେ ପ୍ରଭାବ ପାକାଇନଥାଏ । ଏହା ଦାନ୍ତର ରଙ୍ଗ ଉପରେ ମଧ୍ୟ ଅନେକାଂଶରେ ପ୍ରଭାବ ପକାଏ । ଏହା ଦାନ୍ତକୁ ଦୂଷିତ କରିବା ସହ ଦାନ୍ତକୁ ହଳଦିଆ ପକାଇବାରେ ସହାୟ ହୁଏ ।
ଏହି ତରଳ ଖାଦ୍ୟଠୁ ଦୂରେଇ ରହନ୍ତୁ : ଦାନ୍ତକୁ ହଳଦିଆ କରିବାରେ ଅନେକ ତରଳ ଖାଦ୍ୟ ସାହାଯ୍ୟ କରେ । ଯେପରିକି ରେଡ୍ ୱାଇନ୍, କଲର ସୋଡ଼ା ଏବଂ ଅଧିକ ମାତ୍ରାରେ ଚା’ କିମ୍ୱା କଫି ମଧ୍ୟ ଏହାର ପ୍ରମୁଖ କାରଣ ।
ଟୁଥପେଷ୍ଟ : ଆଜିକାଲି ବଜାରରେ ଅନେକ ଅପମିଶ୍ରିତ ଟୁଥପେଷ୍ଟ ଆସୁଛି । ଯାହା ଦାନ୍ତ ପାଇଁ ଖୁବ୍ କ୍ଷତିକାରକ । ଦାନ୍ତକୁ ଚମକ ରଖିବା ଏ ଧଳା ରଖିବା ପାଇଁ ସଠିକ୍ ଟୁଥପେଷ୍ଟ ବାଛନ୍ତୁ । ବେକିଂ ସୋଡ଼ା ଓ ହାଇଡ୍ରୋଜେନ୍ ପେରୋକସାଇଡ୍ ଥିବା ଟୁଥପେଷ୍ଟ ବ୍ୟବହାର କରିବା ଦ୍ୱାରା ପାଟି ଭିତରେ ଥିବା ସମସ୍ତ ଜୀବୀଣୁ ନଷ୍ଟ ହେବା ସହ ଦାନ୍ତଦାଗ ଦୂର ହୋଇଥାଏ ।
ଓରାଲ ହାଇଜିନ୍ : ନିଜ ଦାନ୍ତକୁ ସୁସ୍ଥ ଓ ସବଳ ରଖିବାକୁ ହେଲେ ଦିନରେ ଦୁଇ ଥର ଦାନ୍ତ ଘଷିବା ସହ ଭଲଭାବେ ଜିଭ ଛେଲିବା ଜରୁରୀ । ଏଥିସହ ଦନ୍ତ ଚିକିତ୍ସକଙ୍କୁ ସମୟ ବ୍ୟବଧାନରେ ଯାଞ୍ଚ କରିନେବା ଭଲ । ସୁସ୍ଥ ଦାନ୍ତ ହେଲେ କୌଣସି ପ୍ରକାର ଦନ୍ତରୋଗ ହେବାର ସମ୍ଭାବନା ରହିବ ନାହିଁ ।
