ଥାନା ଭଙ୍ଗାରୁଜା ଘଟଣାରେ ୬ ଅଭିଯୁକ୍ତ ଗିରଫ
କଟକ: କଟକ ଜିଲ୍ଲା ମାଣିଆବନ୍ଧ ଥାନା ଭଙ୍ଗାରୁଜା ଘଟଣାରେ ୬ ଅଭିଯୁକ୍ତ ଗିରଫ । ଉଭୟ ବଡମ୍ବା ଓ ମାଣିଆବନ୍ଧ ଥାନା ପୋଲିସ ମିଳିତ ଭାବେ ଅଭିଯୁକ୍ତଙ୍କୁ ଗିରଫ କରିଛନ୍ତି । ବଡମ୍ବା ଥାନାରେ ଏନେଇ କଟକ ଅତିରିକ୍ତ ଏସପି କୃଷ୍ଣଚନ୍ଦ୍ର ପଟ୍ଟନାୟକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ।
ଗିରଫ ବ୍ୟକ୍ତିମାନେ ହେଲେ ମୁଖ୍ୟ ଅଭିଯୁକ୍ତ ଶ୍ରୀକାନ୍ତ ଜେନା ଓରଫ (କାଳିଆ), ଅନ୍ୟ ସହଯୋଗୀ ଅରବିନ୍ଦ ଜେନା, ନିରଞ୍ଜନ ବେହେରା, ଭଗବାନ ବେହେରା, ଆଲୋକ ପ୍ରଧାନ, ପ୍ରକାଶ ରାଉତ । ବିଭିନ୍ନ ଦଫା ଲଗାଇ ସେମାନଙ୍କୁ କୋର୍ଟ ଚାଲାଣ କରାଯାଇଛି । ପୂର୍ବରୁ ଏହି ଅଭିଯୁକ୍ତଙ୍କ ନାଁରେ ଏକାଧିକ ମାମଲା ଥିବା ବେଳେ ଏମାନଙ୍କ ବିରୋଧରେ ଗିରଫ ବିହୀନ ପରୱାନା ଜାରି କରାଯାଇଛି ।
