ଡାହାଣୀ ସନ୍ଦେହରେ ଦୁଇ ମହିଳାଙ୍କୁ ହତ୍ୟା ଘଟଣା, ୬ ଗିରଫ
କୋଲକାତା: ଡାହାଣୀ ସନ୍ଦେହରେ ଦୁଇ ଜଣ ମହିଳାଙ୍କୁ ଘରୁ ଘୋଷାଡ଼ି ନେଇ ହତ୍ୟା କରିବା ଘଟଣାରେ ୬ ଜଣଙ୍କୁ ଗିରଫ କରିଛି ପୋଲିସ । ମୃତ ଦୁଇ ମହିଳା ହେଲେ ଲୋଦଗି କିସ୍କୋ ଓ ଡଲି ସୋରେନ । ପଶ୍ଚିମବଙ୍ଗର ବୀରଭୂମ ଜିଲ୍ଲା ସ୍ଥିତ ମୟୂରେଶ୍ବର ଥାନା ଅନ୍ତର୍ଗତ ଆଦିବାସୀ ପଡ଼ାରେ ।
ଦୁଇ ଜଣ ମହିଳାକୁ ଘରୁ ଡାକି ନେଇ ହାତ ଓ ଗୋଡ ବାନ୍ଧି ଲାଠି ଓ ବାଉଁଶରେ ମାଡ ମାରାଯାଇଥିଲା । ମାଡ଼ ଏତେ ଭୟଙ୍କର ଥିଲା ଯେ, ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ଘଟିଥିଲା । ଏହାପରେ ଅଭିଯୁକ୍ତମାନେ ମୃତଦେହ ଦୁଇଟିକୁ ସେଚ ନାଳରେ ଫୋପାଡି ଦେଇଥିଲେ ।
ଏନେଇ ଉଭୟ ମହିଳାଙ୍କ ପରିବାର ତରଫରୁ ଅଭିଯୋଗ ହୋଇଥିଲା । ଅଭିଯୋଗ ପରେ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଦୁଇଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଥିଲା ।
