ପୁରୀରେ 5T ସଚିବ, ମହାପ୍ରଭୁଙ୍କୁ ଦର୍ଶନ ପରେ ବୁଲି ଦେଖିଲେ ପରିକ୍ରମା ପ୍ରକଳ୍ପ

1 min read

ପୁରୀ: ପୁରୀରେ 5-T ସଚିବ ଭି.କେ ପାଣ୍ଡିଆନ । ଆଜି ସେ ପୁରୀ ଆସି ଶ୍ରୀମନ୍ଦିର ଯାଇ ଶ୍ରୀଜିଉଙ୍କୁ ଦର୍ଶନ କରିଛନ୍ତି । ମହାପ୍ରଭୁଙ୍କୁ ଦର୍ଶନ ପରେ ପରିକ୍ରମା ପ୍ରକଳ୍ପ କାମକୁ ବୁଲି ଦେଖିବା ସହ ସମୀକ୍ଷା କରିଛନ୍ତି 5T ସଚିବ । ପୁରୀ ଜିଲ୍ଲାପାଳ ସମର୍ଥ ବର୍ମାଙ୍କ ସମେତ ଓବିସିସି ଓ ଅନ୍ୟାନ୍ୟ ଅଧିକାରୀ ରହିଥିବା ବେଳେ ପ୍ରକଳ୍ପ ନିର୍ମାଣର ଅଗ୍ରଗତି ସମ୍ପର୍କରେ 5T ସଚିବ ଭି.କେ ପାଣ୍ଡିଆନ ତଦାରଖ କରିଛନ୍ତି । ପ୍ରକଳ୍ପ ଚତୁପାର୍ଶ୍ବକୁ ଆଜି ବୁଲି ଦେଖି ସମୀକ୍ଷା କରିଛନ୍ତି ।

ପୂର୍ବରୁ ମଧ୍ୟ ସେ ବହୁବାର ପ୍ରକଳ୍ପ କାର୍ଯ୍ୟ ସମ୍ପର୍କରେ ସମୀକ୍ଷା କରିଥିବା ବେଳେ, ରାଜ୍ୟ ସରକାର ତଥା ମୁଖ୍ୟମନ୍ତ୍ରୀଙ୍କ ଏହି ଉନ୍ନତି ମୂଳକ ପ୍ରକଳ୍ପ କାର୍ଯ୍ୟ ସୁରୁଖୁରୁରେ ସାରିବା ନେଇ ତୀକ୍ଷ୍ମ ନଜର ରଖିଛନ୍ତି । ତେବେ ଗତକାଲି ସୁପ୍ରିମକୋର୍ଟ ପ୍ରକଳ୍ପ ନିର୍ମାଣକୁ ନେଇ ସୁପ୍ରିମ ରାୟ ପ୍ରକାଶ ପରେ 5T ସଚିବ ଓ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଶ୍ରୀମନ୍ଦିର ଆସି ଶ୍ରୀଜିଉଙ୍କୁ ଦର୍ଶନ କରିଥିଲେ ।