5T ସଚିବଙ୍କ ଧରଣୀଧର ସ୍ପୋର୍ଟସ କମ୍ପ୍ଲେକ୍ସରେ ଉନ୍ନୟନ କାମ ସମୀକ୍ଷା

କେନ୍ଦୁଝର: 5T ସଚିବ ଭି.କେ. ପାଣ୍ଡିଆନଙ୍କ କେନ୍ଦୁଝର ଗସ୍ତର ଦ୍ବିତୀୟ ଦିନ । ଆଜି ସକାଳୁ ଶଙ୍କରପୁରରେ ଥିବା ଧରଣୀଧର ସ୍ପୋର୍ଟସ କମ୍ପ୍ଲେକ୍ସକୁ ଯାଇ ଖେଳାଳିମାନଙ୍କୁ ଭେଟିଥିଲେ । ସ୍ପୋର୍ଟ କମ୍ପ୍ଲେକ୍ସରେ ପହଞ୍ଚିବା ପରେ 5T ସଚିବଙ୍କୁ ସ୍ବାଗତ କରାଯାଇଥିଲା ।

ପ୍ରଥମେ ଖେଳାଳିଙ୍କୁ ଭେଟି ସେମାନଙ୍କ ସହ କଥା ହୋଇ ବିଭିନ୍ନ ବିଷୟରେ ଆଲୋଚନା କରିଥିଲେ 5T ସଚିବ । ଏହାପାରେ କ୍ରୀଡ଼ା ଭିତ୍ତିଭୂମି ସମୀକ୍ଷା କରିଥିଲେ । ସେଠାରୁ ସେ ତାରିଣୀ ମନ୍ଦିର ପରିଦର୍ଶନରେ ଯାଇଛନ୍ତି । ସେଠାରେ ଜାରି ରହିଥିବା ମନ୍ଦିର ଉନ୍ନତିକରଣ କାର୍ଯ୍ୟର ସମୀକ୍ଷା କରିବେ । ପରେ ଲୋକଙ୍କ ସହ ଆଲୋଚନା କାର୍ଯ୍ୟକ୍ରମ ରହିଛି ।

ପରେ ଫାଇଭ-ଟି ସ୍କୁଲ ପରିଦର୍ଶନ କରିବା ସହ ବୌତରଣୀ ନଦୀରୁ ଉତ୍ପତ୍ତି ଘଟିଥିବା ଗୁପ୍ତ ଗଙ୍ଗାରେ ବିଭିନ୍ନ ଉନ୍ନତିମୂଳକ କାର୍ଯ୍ୟର ସମୀକ୍ଷା କରିବେ । ବ୍ରହ୍ମେଶ୍ବର ମନ୍ଦିର ନିକଟରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଲୋକଙ୍କ ସହ ଆଲୋଚନା କରିବେ । ପରେ ମହିଳା କୃଷକ ବଜାର ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ସେଠାରୁ ଭଗମୁଣ୍ଡା ଯାଇ ଟସର ସ୍କିଲ ପାର୍କ ଗସ୍ତ କରିବାର କାର୍ଯ୍ୟକ୍ରମ ରହିଛି ।