କେନ୍ଦୁଝରରେ 5T ସଚିବ: ଦ୍ବିତୀୟ ଦିନରେ କରିବେ ବିକାଶର ସମୀକ୍ଷା

କେନ୍ଦୁଝର: କେନ୍ଦୁଝରରେ କେତେ ଆଗେଇଛି ବିକାଶ ମୂଳକ କାର୍ଯ୍ୟ । ଦ୍ବିତୀୟ ଦିନରେ ବି ବିଭିନ୍ନ ସ୍ଥାନରେ ମାରାଥନ ସମୀକ୍ଷା କରିବେ 5T ସଚିବ ଭି.କେ. ପାଣ୍ଡିଆନ୍ । ଶଙ୍କରପୁରରେ ଥିବା ଧରଣୀଧର ସ୍ପୋର୍ଟସ କମ୍ପ୍ଲେକ୍ସରେ ପହଞ୍ଚି ଖେଳାଳିଙ୍କ ସହ ଆଲୋଚନା କରିବା ପରେ କ୍ରୀଡା ଭିତ୍ତିଭୂମିର ସମୀକ୍ଷା କରିବେ । ପରେ ତାରିଣୀ ମନ୍ଦିର ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ସେଠାରେ ଜାରି ରହିଥିବା ମନ୍ଦିର ଉନ୍ନତିକରଣ କାର୍ଯ୍ୟର ସମୀକ୍ଷା କରିବେ । ପରେ ଲୋକଙ୍କ ସହ ଆଲୋଚନା କାର୍ଯ୍ୟକ୍ରମ ରହିଛି ।

5T ସ୍କୁଲ ପରିଦର୍ଶନ କରିବା ସହ ବୌତରଣୀ ନଦୀରୁ ଉତ୍ପତ୍ତି ଘଟିଥିବା ଗୁପ୍ତ ଗଙ୍ଗାରେ ବିଭିନ୍ନ ଉନ୍ନତିମୂଳକ କାର୍ଯ୍ୟର ସମୀକ୍ଷା କରିବେ । ବ୍ରହ୍ମେଶ୍ବର ମନ୍ଦିର ନିକଟରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ଲୋକଙ୍କ ସହ ଆଲୋଚନା କରିବେ 5T ସଚିବ । ପରେ ମହିଳା କୃଷକ ବଜାର ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ସେଠାରୁ ଭଗମୁଣ୍ଡା ଯାଇ ଟସର ସ୍କିଲ ପାର୍କ ବୁଲି ଦେଖିବେ ।