ବାପାମାଆ ଛେଉଣ୍ଡ ଭାଇଭଉଣୀଙ୍କ ଦୁଃଖ ବୁଝିଲେ 5T ସଚିବ ଭି.କେ. ପାଣ୍ଡିଆନ

ଅନୁଗୁଳ :  ଦୁଇ ଅନାଥଙ୍କୁ ସହାୟ ହେଲେ 5T ସଚିବ । ବାପାମାଆ ଛେଉଣ୍ଡ ଭାଇଭଉଣୀଙ୍କ ଦୁଃଖ ବୁଝିଲେ 5T ସଚିବ ଭି.କେ. ପାଣ୍ଡିଆନ । ଅନୁଗୁଳ ଜିଲ୍ଲା କିଶୋରନଗର ବ୍ଲକ ବଏଳା ଗାଁର ୧୧ ବର୍ଷୀୟ ମାନସ ମୁଣ୍ଡା ଓ ୧୫ ବର୍ଷୀୟ ଝିଅ ଆରତୀ ମୁଣ୍ଡାଙ୍କର ଦାୟିତ୍ବ ନେଇଛି ଜିଲ୍ଲା ପ୍ରଶାସନ । 5T-ଟି ସଚିବଙ୍କ ନିର୍ଦ୍ଦେଶରେ ସେମାନଙ୍କର ପାଠ ପଢା ସହିତ ରହିବା ଓ ଖାଇବାର ମଧ୍ୟ ବନ୍ଦୋବସ୍ତ କରାଯାଇଛି ।

ବର୍ଷେ ପୂର୍ବରୁ ଉଭୟଙ୍କର ବାପା ମଦନ ମୁଣ୍ଡାର ପରଲୋକ ହୋଇଥିବାବେଳେ ୮ଦିନ ତଳେ ମାଆ ରଶ୍ମୀତା ମୁଣ୍ଡାଙ୍କର ମଧ୍ୟ ପରଲୋକ ହୋଇଥିଲା । ପରେ ଏକଟୁଆ ହୋଇପଡ଼ିଥିଲେ ଭାଇଭଉଣୀ । ସେମାନଙ୍କ ଭବିଷ୍ୟତ ଅନ୍ଧାର ମଧ୍ୟକୁ ଠେଲି ହୋଇଯାଇଥିବାବେଳେ ଏନେଇ ଫାଇଭ-ଟି ସଚିବ ସୂଚନା ପାଇଥିଲେ । ପରେ ତତକ୍ଷଣାତ ସହଯୋଗ ଯୋଗାଇ ଦେବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ । ପ୍ରଶାସନ ଭାଇଭଉଣୀଙ୍କ ପାଖରେ ପହଞ୍ଚି ସେମାନଙ୍କର ସବୁ ଦାୟିତ୍ବ ନେଇଛି । ଅନାଥକୁ ନୂଆ ଆଶା ମିଳିଥିବାରୁ ଫାଇଭ-ଟି ସଚିବଙ୍କୁ କୃତଜ୍ଞତା ଜଣାଇଛନ୍ତି ଗ୍ରାମବାସୀ ।