ବାରିପଦା ମେଡିକାଲ କଲେଜ ଓ ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କଲେ 5T ସଚିବ

ମୟୂରଭଞ୍ଜ: ମୟୂରଭଞ୍ଜରେ ବିଭିନ୍ନ ବିକାଶମୂଳକ କାର୍ଯ୍ୟର ଅନୁଧ୍ୟାନ କରୁଛନ୍ତି 5T ସଚିବ । ବାରିପଦା ମେଡିକାଲ କଲେଜ ଓ ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କଲେ 5T ସଚିବ ଭି.କେ ପାଣ୍ଡିଆନ । ମେଡିକାଲ କଲେଜ ଛାତ୍ରଛାତ୍ରୀ ଓ ରୋଗୀଙ୍କ ସହ ଆଲୋଚନା କଲେ 5T ସଚିବ । ଏହାପୂର୍ବରୁ ଏମକେସି ହାଇସ୍କୁଲ ଗସ୍ତ କରି ଛାତ୍ରଛାତ୍ରୀଙ୍କ ସହ ବି ସେ କଥା ହୋଇଛନ୍ତି । ସ୍କୁଲ ପରିସର ବୁଲି ଦେଖିବା ସହ ଶ୍ରେଣୀ ଗୃହ, ଲ୍ୟାବ୍ ଓ ଅଡିଟୋରିୟମ ବୁଲି ଦେଖିଛନ୍ତି ।

ଏହା ପୂର୍ବରୁ ବାଲିଡିହା ଡ୍ୟାମ ସ୍ଥଳ ବୁଲିବା ସହ ବୁଢ଼ାବଳଙ୍ଗ ନଦୀର ରିଂ ରୋଡ୍ ବିକାଶ କାର୍ଯ୍ୟର ମଧ୍ୟ ସମୀକ୍ଷା କରିଥିଲେ 5T ସଚିବ । ସକାଳୁ ଦ୍ବାରଶୁଣୀ ଘାଟିରେ ପହଞ୍ଚି ସେଠାରେ ସ୍ଥିତି ଅନୁଧ୍ୟାନ କରିବା ପରେ ପହଞ୍ଚିଥିଲେ ବାରିପଦା ଜଗନ୍ନାଥ ମନ୍ଦିର । ସେଠାରେ ତାଙ୍କୁ ଭବ୍ୟ ସ୍ବାଗତ ଜଣାଇଥିଲେ ସେବାୟତ । 5T ସଚିବ ମନ୍ଦିରରେ ପୂଜାର୍ଚ୍ଚନା କରିବା ସହ ମନ୍ଦିର ଚାରିପାଖର ସୌନ୍ଦର୍ଯ୍ୟକରଣ କାମ ତଦାରଖ କରିଥିଲେ । ଏହାପରେ ବାରିପଦା ଷ୍ଟାଡିୟମ ଯାଇ ସେଠାରେ ସ୍ପୋର୍ଟସ ହଷ୍ଟେଲ ଛାତ୍ରଛାତ୍ରୀଙ୍କ ସହ ଜଳଖିଆ ଖାଇଥିଲେ । ଯାହାକୁ ନେଇ ଖୁସି ବ୍ୟକ୍ତ କରିଥିଲେ ଛାତ୍ରଛାତ୍ରୀ ।