ଚମ୍ପୁଆରେ ଓ୍ବାଟର ଟ୍ରିଟମେଣ୍ଟ ପ୍ଲାଣ୍ଟରେ ସମୀକ୍ଷା କଲେ 5T ସଚିବ

କେନ୍ଦୁଝର: ଚମ୍ପୁଆରେ ଥିବା ୱାଟର ଟ୍ରିଟମେଣ୍ଟ ପ୍ରକଳ୍ପ କାମର ସମୀକ୍ଷା କଲେ 5T ସଚିବ । ଅଧିକାରୀ ଓ ଜଳସାଥୀଙ୍କ ସହ ଆଲୋଚନା କଲେ 5T ସଚିବ । ଟ୍ରିଟମେଣ୍ଟ ପ୍ଲାଣ୍ଟର କଳେବର ବୃଦ୍ଧି ନେଇ ଆଲୋଚନା କରିଛନ୍ତି । ଏବେସୁଦ୍ଧା ୧୩ରୁ ୧୪ ହଜାର ଲୋକଙ୍କ ଘରେ ପହଞ୍ଚୁଛି ପାଣି । ଡ୍ରିଙ୍କ୍ ଫ୍ରମ୍ ଟ୍ୟାପ୍ ଯୋଜନାରେ ଘରେ ଘରେ ମିଳୁଛି ବିଶୁଦ୍ଧ ଜଳ । ଜଳସେଚନ ଓ ପାନୀୟ ଜଳ ନେଇ ଦାବି ଥିଲେ ଶୀଘ୍ର ପୂରଣ ହେବ । ୩୦ ବର୍ଷ ଯାଏ ପାଣି ଅସୁବିଧା ଯେପରି ଦେଖାନଯିବ, ସେନେଇ ବ୍ୟବସ୍ଥା ହେଉଛି ।

ନେହରୁ ଷ୍ଟାଡିୟମରେ ପୁଷ୍ପବର୍ଷା ଓ ଗୀତବାଦ୍ୟରେ 5T ସଚିବଙ୍କୁ ଭବ୍ୟ ସ୍ବାଗତ କରାଯାଇଥିଲା । ସାଧାରଣ ଲୋକଙ୍କ ସହ ହାତ ମିଳାଇଲେ । ଲୋକଙ୍କଠାରୁ ଦାବିପତ୍ର ଗ୍ରହଣ କରି ଚମ୍ପୁଆର ଉନ୍ନତି ପାଇଁ ମୁଖ୍ୟମନ୍ତ୍ରୀ ତାଙ୍କୁ ପଠାଇଥିବା କହିଛନ୍ତି 5T ସଚିବ । ଧର୍ମାନୁଷ୍ଠାନ ଉନ୍ନତି ପାଇଁ ଥିବା ଦାବି ଶୀଘ୍ର ପୂରଣ ହେବ । ସପ୍ତାହେ ସୁଦ୍ଧା ଅର୍ଥାତ୍ ୧୮ ତାରିଖ ଆଗରୁ ଖୁସି ଖବର ପାଇବେ ବୋଲି ଚମ୍ପୁଆବାସୀଙ୍କୁ ପ୍ରତିଶ୍ରୁତି ଦେଲେ ଭି.କେ ପାଣ୍ଡିଆନ । ମହିଳାଙ୍କୁ ସଶକ୍ତ କରିବା ମୁଖ୍ୟମନ୍ତ୍ରୀଙ୍କ ଲକ୍ଷ୍ୟ । ମିଶନ ଶକ୍ତି ମହିଳାଙ୍କ କାମକୁ ପ୍ରଶଂସା କଲେ । ଟ୍ରାଫିକ ସମସ୍ୟା ଶୀଘ୍ର ଦୂର ହେବ । ନଭେମ୍ବର ଡିସେମ୍ବର ସୁଦ୍ଧା ଫ୍ଲାଏଓଭର କାମ ସରିବ । ବଡ଼ବିଲ ରିଙ୍ଗରୋଡ୍ କାମ ପାଇଁ ୧୪ ଶହ କୋଟିରୁ ଅଧିକ ଖର୍ଚ୍ଚ ହେବ । ସେପଟେ ମଧୁବାବୁ ପେନସନ୍ ଯୋଜନାରେ ଭତ୍ତା ପାଉଥିବା ଲୋକ ଆଉ ବ୍ୟାଙ୍କ ଯିବାକୁ ପଡ଼ିବନି, ବରଂ ପଞ୍ଚାୟତସ୍ତରରେ ଭତ୍ତା ପାଇବା ବ୍ୟବସ୍ଥା ହୋଇଛି ।