ମାଲକାନଗିରିରେ 5T ସଚିବଙ୍କ ମାରାଥନ ଅନୁଧ୍ୟାନ, ଗ୍ରାଉଣ୍ଡ ଜିରୋରେ ହେବ ବିକାଶ

ମାଲକାନଗିରି: ସ୍ବାଭିମାନ ଅଞ୍ଚଳରେ 5T ସଚିବଙ୍କ ମାରାଥନ ଅନୁଧ୍ୟାନ । ଆଜି ଗ୍ରାଉଣ୍ଡ ଜିରୋରେ କରୁଛନ୍ତି ବିକାଶର ଅନୁଧ୍ୟାନ । ଗୁରୁପ୍ରିୟା ସେତୁ ଉପରେ ବଡପଦାକୁ ସବଷ୍ଟେସନକୁ ଆସୁଥିବା ୩୩କେଭି ଲାଇନ ପ୍ରକଳ୍ପର ଅଗ୍ରଗତି ସମ୍ପର୍କରେ ଆଲୋଚନା କରିଛନ୍ତି । ପରେ ମାଲାକାନକିରି କୋଟେଲଗୁଡାରେ ଏୟାରଷ୍ଟ୍ରିପ ଟର୍ମିନାଲ ବିଲଡିଂ ଓ ଗେଷ୍ଟହାଉସର ନିର୍ମାଣ କାର୍ଯ୍ୟର ଅନୁଧ୍ୟାନ କରିଥିଲେ ।

ସେଠାରୁ ଚିତ୍ରୋକୋଣ୍ଡା ମିଶନ ଶକ୍ତି କାଫେକୁ ଆସି ମାଆ ଓ ପରେ ସ୍କୁଲକୁ ଯାଇ ଛାତ୍ରଛାତ୍ରୀଙ୍କ ସହ ଆଲୋଚନା କରିଛନ୍ତି 5T ସଚିବ । ସ୍କୁଲରେ ପହଞ୍ଚି ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ସ୍କୁଲର ଲାଇବ୍ରେରୀ, ସ୍କାର୍ଟ କ୍ଲାସରୁମରେ କିଭଳି ଛାତ୍ରଛାତ୍ରୀମାନେ ପାଠ ପଢୁଛନ୍ତି, ସେ ସମ୍ପର୍କରେ ବୁଲି ଦେଖିଛନ୍ତି । ପରେ ମାଲକାନଗିରିର ମାଳିକେଶ୍ବର ମନ୍ଦିରକୁ ଯାଇ ଏହାର ଉନ୍ନତିକରଣ ସମ୍ପର୍କରେ ଅନୁଧ୍ୟାନ କରିଛନ୍ତି ।

ସତିଗୁଡ଼ା ଇକୋପାର୍କରେ ବିକାଶର ସମୀକ୍ଷା କରି ଜିଲ୍ଲା ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି । ବିଭିନ୍ନ ବ୍ଲକକୁ ଯାଇ ବିକାଶ କାର୍ଯ୍ୟର ଅନୁଧ୍ୟାନ କରୁଛନ୍ତି । ମାଲକାନଗିରି ଜିଲ୍ଲା ମୁଖ୍ୟାଳୟ ହସ୍ପିଟାଲ ପରିଦର୍ଶନ କରିବା ସହ କାୟାକଳ୍ପ ପୁରସ୍କାର ପାଇଁ ଜିଲ୍ଲାପ୍ରଶାସନ ଓ ହସ୍ପିଟାଲ କର୍ତ୍ତୃପକ୍ଷଙ୍କୁ ଧନ୍ୟାବାଦ ଅର୍ପଣ କରିଥିଲେ ପାଣ୍ଡିଆନ୍ । ଗତକାଲି ବଣ୍ଡାଘାଟିରେ ପହଞ୍ଚିଥିଲେ ଫାଇଭ-ଟି ସଚିବ ।

ଲୋକଙ୍କ ସମସ୍ୟା ଶୁଣିବା ସହ ବଣ୍ଡାଘାଟିକୁ ବସ୍ ଓ ଖଇରପୁଟରେ ଯୁକ୍ତ ଦୁଇ କଲେଜ ପ୍ରତିଷ୍ଠା ପାଇଁ ପ୍ରତିଶ୍ରୁତି ଦେଇଥିଲେ । ବଦପଡା କମ୍ପ୍ଲେକ୍ସ ସ୍କୁଲର ଛାତ୍ରଛାତ୍ରୀଙ୍କ ସହ ରାତ୍ରି ଭୋଜନ କରିଥିଲେ । ପିଲାଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଏକ ହକି ଗ୍ରାଉଣ୍ଡ ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ । ୩୦୦ଶଯ୍ୟା ବିଶିଷ୍ଟ ହଷ୍ଟେଲ ନିର୍ମାଣ କାର୍ଯ୍ୟ ବୁଲି ଦେଖିବା ପରେ ଗୁରୁପ୍ରିୟା ସେତୁକୁ ଯାଇ ବୁଲି ଦେଖିଥିଲେ ଫାଇଭ-ଟି ସଚିବ ।