ଟ୍ରେନ୍ ଦୁର୍ଘଟଣାରେ ଆହତ ବାଳକର ଇଚ୍ଛା ପୂରଣ କଲେ 5T ସଚିବ, ଦେଲେ ନୂଆ ଡ୍ରେସ୍

ଭୁବନେଶ୍ୱର: ଟ୍ରେନ ଦୁର୍ଘଟଣାରେ ଆହତ ୧୦ ବର୍ଷର ବାଳକର ମନକଥା ପୂରଣ କଲେ 5T ସଚିବ ଭିକେ ପାଣ୍ଡିଆନ । ଏସସିବିରେ ଆହତଙ୍କୁ ଭେଟିବାବେଳେ ସର୍ଜରୀ ଓ୍ବାର୍ଡରେ ବାଲେଶ୍ବରର ଦେବାଶିଷ ପାତ୍ରଙ୍କୁ ଭେଟିଥିଲେ 5T ସଚିବ । ତାର ସ୍ବାସ୍ଥ୍ୟବସ୍ଥା ପଚାରି ବୁଝିବା ସହିତ ସ୍ନେହରେ କଣ ଦରକାର ବୋଲି ପଚାରିଥିଲେ । ଏହି ସମୟରେ ମୋତେ ଡ୍ରେସ ଦରକାର ବୋଲି କହିଥିଲେ ଦେବାଶିଷ । ୨ ଘଣ୍ଟା ଭିତରେ ଡ୍ରେସ ଦିଆଯିବ ବୋଲି 5T ସଚିବ ପ୍ରତିଶ୍ରୁତି ଦେଇଥିଲେ । ପରେ କିଛି ସମୟ ମଧ୍ୟରେ ଦେବାଶିଷଙ୍କୁ ନୂଆ ଡ୍ରେସ ପ୍ରଦାନ କରାଯାଇଥିଲା । ଯାହାକୁ ନେଇ କୁନି ମୁହଁରେ ହସ ଖେଳିବା ସହିତ 5T ସଚିବଙ୍କୁ କୃତଜ୍ଞତା ଜଣାଇଛନ୍ତି ଦେବାଶିଷ ।