କଥା ଦେଇ କଥା ରଖିଲେ 5T ସଚିବ

ବରଗଡ଼: ୭ ଦିନରେ ପ୍ରତିଶୃତି ପାଳନ କଲେ 5T ସଚିବ ଭିକେ ପାଣ୍ଡିଆନ। ବରଗଡ ପାଇକମାଳର ବିନ୍ଧ୍ୟବାସିନୀ ମନ୍ଦିର ପାଇଁ ୧୯ ଲକ୍ଷ ୩୦ ହଜାର  ଦେଇଥିବା ବେଳେ ୬୮ ଲକ୍ଷ ୮୦ ହଜାର ରାମଚଣ୍ଡୀ ମନ୍ଦିରକୁ ଆର୍ଥିକ ଅନୁଦାନ ଦେଇଛନ୍ତି। ଉଭୟ ମନ୍ଦିର ପାଇଁ ଆର୍ଥିକ ଅନୁଦାନ ପାଇବା ପରେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ସ୍ଥାନୀୟବାସିନ୍ଦା ।

ବରଗଡ ପାଇକମାଲ ଗନ୍ଧମାର୍ଦ୍ଦନ ପାହାଡ଼ ପାଦଦେଶରେ ରହିଛି ରାମଚଣ୍ଡୀ ଓ ବିନ୍ଧ୍ୟବାସିନୀ ମନ୍ଦିର। ଶହ ଶହ ଶ୍ରଦ୍ଧାଳୁ ମନ୍ଦିରକୁ ଯାଇ ପ୍ରତିଦିନ ପୂଜାର୍ଚ୍ଚନା କରିଥାନ୍ତି। ମାତ୍ର ଦୀର୍ଘ ବର୍ଷ ହେବ ଏହି ମନ୍ଦିରଗୁଡିକର ରୂପାନ୍ତରିକରଣ ଓ ରୂପରେଖର ପରିବର୍ତ୍ତନ ହୋଇପାରିନଥିଲା। ବରଗଡ ଗସ୍ତ ସମୟରେ ମନ୍ଦିର ବିଷୟରେ ଜାଣି ଏହାର ରୂପାନ୍ତରିକରଣର ପ୍ରତିଶୃତି ଦେଇଥିଲେ 5T ସଚିବ ଭି.କେ.ପାଣ୍ଡିଆନ। ୭ଦିନ ମଧ୍ୟରେ ସେ ଏହି ପ୍ରତିଶୃତି ପାଳନ କରିଛନ୍ତି । ପାଇକମାଲର ବିନ୍ଧ୍ୟବାସିନୀ ମନ୍ଦିର ପାଇଁ ୧୯ ଲକ୍ଷ ୩୦ ହଜାର ଟଙ୍କା ଏବଂ ୬୮ ଲକ୍ଷ ୮୦ ହଜାର ରାମଚଣ୍ଡୀ ମନ୍ଦିରକୁ ଆର୍ଥିକ ଅନୁଦାନ ଦେଇଛନ୍ତି। ଏନେଇ ମୁଖ୍ୟମନ୍ତ୍ରୀ ଏବଂ 5T ସଚିବଙ୍କୁ ଧନ୍ୟବାଦ ଜଣାଇଛନ୍ତି ଅଞ୍ଚଳବାସୀ ।

ବରଗଡ଼ ଜିଲ୍ଲା ଗସ୍ତବେଳେ ଏହି ମନ୍ଦିର ଗୁଡିକର କିପରି ଉନ୍ନତିକରଣ କରାଯାଇପାରିବ ସେନେଇ ଉଭୟ ମନ୍ଦିର କମିଟିର ସଦସ୍ୟମାନେ ନିଜ ନିଜର ମନ୍ଦିରର ପାରିପାର୍ଶ୍ବିକ ଉନ୍ନତି ନିମନ୍ତେ 5T ସଚିବଙ୍କ ସହ ଆଲୋଚନା କରିଥିଲେ । ଉଭୟ ମନ୍ଦିର କମିଟିର ସଦସ୍ୟ ମାନଙ୍କ ସହ ଆଲୋଚନା କରି ୭ ଦିନ ମଧ୍ୟରେ ତାଙ୍କ ସମସ୍ୟା ସମାଧାନ ଦିଗରେ ପଦକ୍ଷେପ ନେବାକୁ କହିଥିଲେ ଫାଇଭଟି ସଚିବ । ଏବେ ଆର୍ଥିକ ଅନୁଦାନ ପାଇବା ପରେ ମନ୍ଦିର କାମ ଆରମ୍ଭ କରିବାକୁ ନେଉ ଉତ୍ସାହିତ ଲୋକେ ।