ଧୁମଧାମରେ ହେଲା ପାଲଲହଡ଼ା ବିଧାୟକଙ୍କ ବିବାହ ଉତ୍ସବ, ମୁକେଶ ପାଲଙ୍କ ବିବାହ ଭୋଜିରେ ଯୋଗଦେଲେ 5T ସଚିବ

ପାଲଲହଡ଼ା: ବିଧାୟକଙ୍କ ବିବାହ ଭୋଜିରେ ଯୋଗ ଦେଇ ନବ ଦମ୍ପତିଙ୍କୁ ଶୁଭେଚ୍ଛା ଜଣାଇଲେ 5T ସଚିବ ଭି.କେ ପାଣ୍ଡିଆନ । ପାଲଲହଡ଼ା ବିଧାୟକ ମୁକେଶ ପାଲଙ୍କ ବିବାହ ଭୋଜିରେ 5T ସଚିବ ଭି.କେ ପାଣ୍ଡିଆନ ଯୋଗଦେଇ ନବଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି । ନିମନ୍ତ୍ରଣ ରକ୍ଷା କରି 5T ସଚିବ ଭି.କେ ପାଣ୍ଡିଆନ ବିଧାୟକ ମୁକେଶ ପାଲଙ୍କ ପାଲଲହଡ଼ାସ୍ଥିତ ବାଲିପଶି ଗାଁରେ ଆୟୋଜିତ ଭୋଜିରେ ଯୋଗ ଦେଇଥିଲେ । ଭୋଜିରେ ବହୁ ବିଧାୟକ, ପ୍ରଶାସନିକ ଅଧିକାରୀ ଓ ଜିଲ୍ଲାର ବହୁ ଲୋକପ୍ରତିନିଧିଙ୍କୁ ଦେଖିବାକୁ ମିଳିଥିଲା । ଗତ ୧୨ ତାରିଖରେ ଅନୁଗୁଳ ବଣିଆ ବାହାଲର ମଧୁସୂଦନ ପଟ୍ଟନାୟକଙ୍କ କନ୍ୟା ଅବଲିଶା ପଟ୍ଟନାୟକଙ୍କ ସହ ପାଲଲହଡ଼ା ବିଧାୟକ ମୁକେଶ ପାଲଙ୍କ ବିବାହ ଅନୁଷ୍ଠିତ ହୋଇଥିଲା । ଅନୁଗୁଳର ଏକ ତାରକା ହୋଟେଲରେ ଆୟୋଜନ ହୋଇଥିଲା ବିବାହ ଉତ୍ସବ ।