ସୋଆ ବିଶ୍ଵବିଦ୍ୟାଳୟରେ ସାହିତ୍ୟର ମହତ୍ଵ ଉପରେ 5T ଅଧ୍ୟକ୍ଷଙ୍କ ଆଲୋକପାତ

ଭୁବନେଶ୍ବର: ବିଶ୍ଵ ଓଡ଼ିଆ ଭାଷା ସମ୍ମିଳନୀର ସୋମବାର ଅନ୍ତିମ ଦିବସ । ଏହି ଅବସରରେ ଭୁବନେଶ୍ଵର ସ୍ଥିତ ସୋଆ ବିଶ୍ଵବିଦ୍ୟାଳୟରେ ଓଡ଼ିଶା ଭାଷା, ସାହିତ୍ୟ ସଂସ୍କୃତିକୁ ନେଇ ହୋଇଥିଲା ବିମର୍ଶ ଅଧିବେଶନ। ଏହି ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। ବିଶିଷ୍ଟ ସାହିତ୍ୟିକ, ଲେଖକ ତଥା କଥାକାର ଡକ୍ଟର ବିଭୂତି ପଟ୍ଟନାୟକଙ୍କୁ ସମ୍ମାନିତ କରାଯାଇଥିଲା। ସାହିତ୍ୟିକ ଡକ୍ଟର ବିଭୁତି ପଟ୍ଟନାୟକଙ୍କୁ ୧ ଲକ୍ଷ ଟଙ୍କା ପୁରସ୍କାର ଅର୍ଥରାଶି ସହ ଉପଢୌକନ ଓ ମାନପତ୍ର ପ୍ରଧାନ କରାଯାଇଥିଲା। ଭାଷା, ସାହିତ୍ୟ ସଂସ୍କୃତିକୁ ନେଇ ବିମର୍ଶରେ ସୋଆର ପ୍ରତିଷ୍ଠାତା ସଭାପତି ପ୍ରଫେସର ଡକ୍ଟର ମନୋଜ ରଞ୍ଜନ ନାୟକ, ପ୍ରାଚୀନ ମୁଖ୍ୟ ଡକ୍ଟର ଗାୟତ୍ରୀବାଳା ପଣ୍ଡା ସମେତ ଓଡ଼ିଶାର ବହୁ ପ୍ରତିଷ୍ଠିତ ସାହିତ୍ୟିକ, ଗାଳ୍ପିକ, କଥାକାର  ସମ୍ମିଳନୀରେ ଯୋଗ ଦେଇଥିଲେ। ଏହି ଅବସରରେ ସମ୍ବୋଧିତ କରି ସାହିତ୍ୟର ମହତ୍ଵ ଉପରେ ଆଲୋକପାତ କରିଥିଲେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। କହିଲେ ସାହିତ୍ୟ ସମାଜର ଦର୍ପଣ। ସାମାଜିକ ବୈପ୍ଳବିକ ପରିବର୍ତ୍ତନରେ ରହିଛି ସାହିତ୍ୟର ଗୁରୁତ୍ଵପୂର୍ଣ୍ଣ ଭୂମିକା। ସମାଜରେ ଯାହା ବି ଅନ୍ୟାୟ, ଭୁଲ ଏବଂ ଅନୀତି ହେଉଛି ଏହାର ସ୍ଵର ଉତ୍ତୋଳନରେ ସାହିତ୍ୟ ସବୁବେଳେ ଗୁରୁତ୍ଵପୂର୍ଣ୍ଣ ଭୂମିକା ନେଇଆସିଛି। ସାହିତ୍ୟ ଜରିଆରେ ସ୍ଵଚ୍ଛତା ଭାବେ ଏହାର ପ୍ରତିବାଦର ଦେଖିବାକୁ ମିଳିଥାଏ। ଇରାନ ବିପ୍ଲବ, ଫରାସୀ ବିପ୍ଲବ ଇତିହାସରେ ଏହାର ମୁକସାକ୍ଷୀ ହୋଇ ରହିଛି। ସମାଜରେ ଦଳିତ, ନିଷ୍ପେଷିତ, ମହିଳାଙ୍କ ଉପରେ ଅତ୍ୟାଚାରର ପ୍ରତିବାଦର ମଧ୍ୟ ଏହି ସାହିତ୍ୟ ଜରିଆରେ ହିଁ ଆସିଥାଏ। ସାହିତ୍ୟର ସମାଜ ସୁଧାରରେ ମୁଖ୍ୟ ଦାୟିତ୍ଵ ଗ୍ରହଣ କରିଛି। ଏହାଦ୍ବାରା ମହିଳା ସଶକ୍ତୀକରଣ, ନାରୀ ଶିକ୍ଷାରେ ପରିବର୍ତ୍ତନ ଆସିଛି।