ଅନୁଗୁଳରେ 5T ଅଧ୍ୟକ୍ଷ, କହିଲେ- ସନ୍ଧ୍ୟା ସୁଦ୍ଧା ମିଳିବ ଖୁସି ଖବର

କିଶୋରନଗର: ଅନୁଗୁଳ କିଶୋରନଗର ବଡ଼ପଡ଼ିଆରେ ସାଧାରଣ ସଭାକୁ ସମ୍ବୋଧିତ କରୁଛନ୍ତି 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ । ମିଳିଥିବା ଦରଖାସ୍ତ ଓ ଅଭିଯୋଗ ପତ୍ରର ସନ୍ଧ୍ୟା ସୁଦ୍ଧା ଖୁସି ଖବର ପାଇବେ ବୋଲି କହିଛନ୍ତି 5T ଅଧ୍ଯକ୍ଷ। ମନ୍ଦିର, ମସଜିଦ, କମ୍ଯୁନିଟି ସେଣ୍ଟର ଉନ୍ନତି ପାଇଁ ଖୁସି ଖବର ପାଇବେ । ଆଜି ସନ୍ଧ୍ୟା ସୁଦ୍ଧା ଅନୁମୋଦନ ଅର୍ଡର ଆସିବ ।

ପୂର୍ବରୁ ସାତ ଦିନରେ ଖୁସି ଖବର ମିଳୁଥିଲା । ଏବେ ସଂଧ୍ଯା ସୁଦ୍ଧା ଖୁସି ଖବର ମିଳିବ ବୋଲି କହିଛନ୍ତି 5T ଅଧ୍ଯକ୍ଷ । ମିଳୁଥିବା ଅର୍ଥକୁ ସ୍ୱଚ୍ଛତାର ସହ ଖର୍ଚ୍ଚ କରିବାକୁ ସେ ଆହ୍ବାନ ଦେଇଛନ୍ତି ।

ସେହିପରି ଆସନ୍ତାକାଲି ଆଶା ଦିଦି ଭଲ ଖବର ପାଇବେ । ୯ ତାରିଖରେ ମିଶନ ଶକ୍ତି ମାଆ, ଚର୍ଚ୍ଚ, ବ୍ୟାଙ୍କ ମିତ୍ର ଖୁସି ଖବର ପାଇବେ । ୧୦ ଲକ୍ଷ ଯାଏ ଋଣ ପାଇବାକୁ ସରକାର ବ୍ୟବସ୍ଥା କରିଛନ୍ତି । ଅଙ୍ଗନବାଡି, ଗର୍ଭବତୀ ସମସ୍ତଙ୍କ ଦରମା ବଢିଛି । ସମସ୍ତେ ମିଶି ସଶକ୍ତ ଓଡ଼ିଶା ଗଢିବାକୁ ଏହି ଅବସରରେ ଆହ୍ବାନ ଦେଇଛନ୍ତି 5T ଅଧ୍ଯକ୍ଷ କାର୍ତ୍ତିକ ପାଣ୍ଡିଆନ । ଏହାପୂର୍ବରୁ ସାଧାରଣ ସଭାକୁ ସମ୍ବୋଧିତ କରିଥିଲେ ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ଓଡ଼ିଶାକୁ ସଶକ୍ତ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଯୁଗାନ୍ତକାରୀ ପଦକ୍ଷେପ ନେଇଛନ୍ତି ତାହାର ଆଜି ସୁଫଳ ମିଳୁଛି ବୋଲି କହିଥିଲେ ସାଂଗଠନିକ ସଂପାଦକ ।