କେତେ ବାଟ ଆଗେଇଛି ବରମୁଣ୍ଡା ବସ ଟର୍ମିନାଲ; ଗ୍ରାଉଣ୍ଡ ଜିରୋରେ ପହଞ୍ଚି ସମୀକ୍ଷା କଲେ 5T ଅଧ୍ୟକ୍ଷ

ଭୁବନେଶ୍ୱର : ବରମୁଣ୍ଡା ବସ ଟର୍ମିନାଲରେ ବିକାଶମୂଳକ କାର୍ଯ୍ୟର ସମୀକ୍ଷା କରିଛନ୍ତି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ। କେତେ ବାଟ ଆଗେଇଛି ପ୍ରକଳ୍ପ କାର୍ଯ୍ୟ, ସେସବୁର ଅନୁଧ୍ୟାନ କରିଛନ୍ତି ଫାଇଭ-ଟି ଅଧ୍ୟକ୍ଷ । ବସଷ୍ଟାଣ୍ଡରେ ଯାତ୍ରୀଙ୍କ ପାଇଁ କରାଯାଇଥିବା ପତିକ୍ଷାଳୟ, ପରିମଳ ବ୍ୟବସ୍ଥା, ବସ ବେ, ଆଲୋକୀକରଣ ବ୍ୟବସ୍ଥା, ବିଶ୍ରାମାଗାର ବୁଲି ଦେଖିଥିଲେ ଫାଇଭ-ଟି ଅଧ୍ୟକ୍ଷ। ନିର୍ଦ୍ଧାରିତ ସମୟ ମଧ୍ୟ କାମ ସାରିବାକୁ ନିର୍ମାଣକାରୀ ସଂସ୍ଥାକୁ ନିର୍ଦ୍ଦେଶ ଦେଇଛନ୍ତି।

ଯାତ୍ରୀଙ୍କ ପାଇଁ ଫେବୃଆରୀ ମଧ୍ୟ ସୁଦ୍ଧା ବସଷ୍ଟାଣ୍ଡକୁ ପ୍ରସ୍ତୁତ କରିବାକୁ ବିଡିଏକୁ ନିର୍ଦ୍ଦେଶ ଦେଇଛନ୍ତି। ସାଢ଼େ ୧୫ ଏକର ଜମିରେ ନିର୍ମିତ ହୋଇଥିବା ବରମୁଣ୍ଡା ବସଷ୍ଟାଣ୍ଡରେ ଯାତ୍ରୀଙ୍କୁ ଉତ୍ତମମାନର ସେବା ପାଇବେ ଯାତ୍ରୀ। ଏଠାରେ ଯାତ୍ରୀଙ୍କ ପାଇଁ ବିଭିନ୍ନ ସୁବିଧା ରହିଥିବା ବେଳେ, ପାର୍କିଂ, ଫୁଡ୍ କୋର୍ଟ, ରେଷ୍ଟୁରାଣ୍ଟ ଭଳି ସୁବିଧା ମିଳିବ। ବରମୁଣ୍ଡା ବସଷ୍ଟାଣ୍ଡକୁ ବିମାନ ବନ୍ଦର ଭଳି ଅନୁଭବ କରିବେ ଯାତ୍ରୀ। ଆଧୁନିକ ଜ୍ଞାନ କୌଶଳରେ ନିର୍ମିତ ହୋଇଥିବା ବରମୁଣ୍ଡା ବସଷ୍ଟାଣ୍ଡରେ ଯାତ୍ରୀଙ୍କ ସୁବିଧା ସାଙ୍ଗକୁ ସୁରକ୍ଷା ଉପରେ ଧ୍ୟାନ ଦିଅଯାଇଛି। ।