ଭାରତରେ ସ୍ଥାୟୀ ଭାବେ ବ୍ୟାନ୍ ହେଲା ୫୯ ଚାଇନିଜ୍ ଆପ୍
1 min read
FILE PHOTO: Smartphone with Chinese applications is seen in front of a displayed Indian flag and a "Banned app" sign in this illustration picture taken July 2, 2020. REUTERS/Dado Ruvic/Illustration
ନୂଆଦିଲ୍ଲୀ: ୫୯ ଚାଇନିଜ୍ ଆପ୍କୁ ସ୍ଥାୟୀ ଭାବେ ବ୍ୟାନ୍ କଲେ ଭାରତ ସରକାର। ଟିକ୍ଟକ୍ ସହ ବାଇଡୁ, ଉଇଚାଟ୍, ଆଲିବାବା ୟୁସି ବ୍ରାଉଜର, ସପିଂ ଆପ୍ କ୍ଲବ ଫ୍ୟାକ୍ଟୋରୀ, ସାଓମିର ମି ଭିଡିଓ କଲ୍ ଏବଂ ବିଗୋ ଲାଇଭ୍ ଆଦିକୁ ସ୍ଥାୟୀ ଭାବେ ବ୍ୟାନ୍ କରାଯାଇଛି।
ଗତ ଜୁନ୍ରେ ଭାରତ ସରକାର ୨୬୭ ଚାଇନିଜ୍ ଆପ୍କୁ ସାମୟିକ ଭାବେ ବ୍ୟାନ୍ କରିଥିଲେ। ଏହି ୫୯ ଆପ୍ କିନ୍ତୁ ସେତେବେଳେ ସାମୟିକ ଭାବେ ବ୍ୟାନ୍ ହୋଇଥିଲା। ତେବେ ବର୍ତ୍ତମାନ ଏହାକୁ ସ୍ଥାୟୀ ଭାବେ ବ୍ୟାନ୍ କରିଛନ୍ତି ସରକାର। ଆଇଟି ଆକ୍ଟ ୬୯-A ରେ ଭାରତ ସରକାର ଚାଇନିଜ୍ ଆପ୍ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।
ଏହିସବୁ ଆପ୍ଗୁଡ଼ିକ ଯୋଗେ ବ୍ୟବହାରକାରୀଙ୍କ ବ୍ୟକ୍ତିଗତ ଗୋପନୀୟତା କ୍ଷୂର୍ଣ୍ଣ ହେଉଥିବା ଦର୍ଶାଇ ସରକାର ଏଗୁଡ଼ିକୁ ବ୍ୟାନ୍ କରିଥିଲେ। ଏହି ଆପ୍ ଗୁଡ଼ିକରେ ବ୍ୟବହାରୀଙ୍କ ବ୍ୟକ୍ତିଗତ ଗୋପନୀୟତା ନେଇ ସୂଚନା ଓ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଅସନ୍ତୋଷ ବ୍ୟକ୍ତ କରିବା ପରେ ଏଗୁଡ଼ିକୁ ସରକାର ବ୍ୟାନ୍ କରିଛନ୍ତି। ଚାଇନିଜ୍ ଆପ୍ ସେୟାରଇଟ୍, ଲାଇକ୍, ୱିବୋକୁ ମଧ୍ୟ ଭାରତ ସରକାର ସ୍ଥାୟୀ ଭାବେ ନିଷିଦ୍ଧ କରିଛନ୍ତି।
