ଇସ୍ରାଏଲ ସହ ମହା ସଂଗ୍ରାମର ପ୍ରସ୍ତୁତି, ଏକାଠି ହେବେ ୫୭ ମୁସଲିମ ଦେଶ

ରିୟାଦ: ଘମାସାନ ହେଉଛି ଗାଜା ଉପରେ ଇସ୍ରାଏଲର ଆକ୍ରମଣ । ହମାସ ଆତଙ୍କବାଦୀଙ୍କୁ ନିପାତ କରିବା ଲକ୍ଷ୍ୟରେ ଗାଜାପଟ୍ଟି ଉପରେ ନନଷ୍ଟପ ଆକ୍ରମଣ ଜାରି ରଖିଛି ଇସ୍ରାଏଲ । ଏପଟେ ପାଲେଷ୍ଟାଇନ ସମର୍ଥନରେ ଏକାଠି ହେଉଛନ୍ତି ମସୁଲିମ ଦେଶ । ୫୭ ମୁସଲିମ ଦେଶଙ୍କୁ ନେଇ ଗଠିତ ଅର୍ଗାନାଇଜେସନ ଅଫ ମୁସଲିକ କୋଅପରେସନ (OIC)ର ଏକ ଗୁରୁତ୍ବପୂର୍ଣ୍ଣ ସମ୍ମିଳନୀ ଆସନ୍ତାକାଲି ୧୨ ନଭେମ୍ବରରେ ବସିବାକୁ ଯାଉଛି । ଓଆଇସି ଅଧ୍ୟକ୍ଷ ସାଉଦି ଆରବର ନିମନ୍ତ୍ରଣ କ୍ରମେ ଏହି ବୈଠକ ବସୁଛି । ପାଲେଷ୍ଟାଇନ ବିରୋଧରେ ଇସ୍ରାଏଲର ଆକ୍ରମଣକୁ ନେଇ ଏଥିରେ ଚର୍ଚ୍ଚା କରାଯିବ । ପାଲେଷ୍ଟାଇନର ବର୍ତ୍ତମାନ ସ୍ଥିତିକୁ ଦେଖି ଅଧିକାଂଶ ମୁସଲିମ ଦେଶ ଏଥିରେ ସାମିଲ ହେବାକୁ ସହମତି ଜଣାଇଛନ୍ତି ।

ଗଲ୍ଫ ଦେଶଙ୍କ ସହ ଇସଲାମିକ ଦେଶଙ୍କ ସମ୍ପର୍କକୁ ନେଇ ବିଶେଷଜ୍ଞ କହୁଛନ୍ତି, ଇସ୍ରାଏଲର ଆକ୍ରାମଣାତ୍ମକ ଆଚରଣକୁ ନେଇ ମୁସଲିକ ଦେଶ ଏକାଠି ହେବାର ଏହା ଏକ ଭଲ ସମୟ । ଗାଜା ଉପରେ ଇସ୍ରାଏଲ ତୁରନ୍ତ ଆକ୍ରମଣ ବନ୍ଦ କରିବା, ଘେରାବନ୍ଦୀ ହଟାଇବା, ସହାୟତର ପହଞ୍ଚାଇବା ପାଇଁ ଅନୁମତି ଦେବା ଓ ଅନ୍ତରାଷ୍ଟ୍ରୀୟ ନିୟମକୁ ସମ୍ମାନ ଦେବା ନେଇ ଓଆଇସି ସଦସ୍ୟ ଦେଶର ନେତାମାନେ ଦାବି କରିପାରନ୍ତି ।  ଶାନ୍ତିପୂର୍ଣ୍ଣ ଭାବେ ସମସ୍ୟାର ସମାଧାନ ନେଇ ମଧ୍ୟ ସଙ୍ଗଠନର ସଦସ୍ୟ ଦେଶମାନେ ଦାବି କରିଛନ୍ତି ।

ସାଉଦି ଆଣବ ଏହି ବୈଠକ ଡାକିବାର ଉଦ୍ଦେଶ୍ୟ, ଗାଜାରେ ପାଲେଷ୍ଟାଇନ ନାଗରିକଙ୍କୁ ରକ୍ଷା ଓ ଯୁଦ୍ଧ ଶେଷ କରିବା । ହମାସ ଆକ୍ରମଣ ପରେ ଗାଜା ସମର୍ଥନରେ ସବୁଠାରୁ ଅଧିକ ବାହାରି ଥିବା ଇରାନ ରାଷ୍ଟ୍ରପତି ଇବ୍ରାହିମ ରଇସି ମଧ୍ୟ ଏହି ସମ୍ମିଳନୀରେ ଭାଗ ନେବାକୁ ଆସୁଛନ୍ତି ।