ଉତ୍ତମ ଆଚରଣ ସହ ରୋଗୀଙ୍କୁ ସେବା ଯୋଗାଇ ଦେବାକୁ ମୁଖ୍ୟମନ୍ତ୍ରୀଙ୍କ ପରାମର୍ଶ

ଭୁବନେଶ୍ୱର: ଗଣତନ୍ତ୍ରର ଆତ୍ମା ହେଉଛନ୍ତି ଜନସାଧାରଣ । ଆମ ସରକାରରେ ସାଧାରଣ ଲୋକଙ୍କ ଆବଶ୍ୟକତାକୁ ପ୍ରାଥମିକତା ଦିଆଯାଏ । ଏଣୁ ରୋଗୀଙ୍କୁ ବୃତ୍ତିଗତ ଆଚରଣ ସହ ସେମାନଙ୍କୁ ସେବା ଯୋଗାଇ ଦେବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ନବ ନିଯୁକ୍ତ ଲାବୋରାଟୋରୀ ଟେକ୍ନିସିଆନ୍‌ଙ୍କ ଇଣ୍ଡକସନ୍‌ କାର୍ଯ୍ୟକ୍ରମରେ ଭର୍ଚୁଆଲ୍ ମାଧ୍ୟମରେ ଯୋଗ ଦେଇ ସେମାନଙ୍କ ନିଯୁକ୍ତି ନେଇ ଖୁସି ବ୍ୟକ୍ତ କରିଛନ୍ତି । ଗତ ମାସରେ ୫୧୦ଜଣ ମେଡିକାଲ ଅଧିକାରୀଙ୍କ ନିଯୁକ୍ତି ପରେ ଚଳିତ ମାସରେ ୫୫୦ ଜଣ ଲାବୋରାଟୋରୀ ଟେକ୍ନିସିଆନ୍‌ଙ୍କୁ ନିଯୁକ୍ତି ମିଳିଛି । ନୂଆ ଟେକ୍ନିସିଆନଙ୍କ ନିଯୁକ୍ତି ପରେ ଡାଇଗ୍ନୋସିସ୍ ମାନରେ ବୃଦ୍ଧି ଘଟିବ ବୋଲି ମୁଖ୍ୟମନ୍ତ୍ରୀ ଦୃଢ଼ ବିଶ୍ୱାସ ପ୍ରକଟ କରିଛନ୍ତି । ଏହା ସରକାରୀ ମେଡିକାଲ ସୁବିଧା ନେଇ ଲୋକେ ଅଧିକ ସନ୍ତୁଷ୍ଟି ପ୍ରକାଶ କରିବେ ।

ଏହି ଅବସରରେ ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସ ଉପସ୍ଥିତ ଓ ୫-ଟି ସଚିବ ଭି.କେ ପାଣ୍ଡିଆନ୍ ଉପସ୍ଥିତ ଥିଲେ ।