ପ୍ରବାସୀଙ୍କୁ ନେଇ ଯାଉଥିବା ଟ୍ରକ୍ ଦୁର୍ଘଟଣାଗ୍ରସ୍ତ, ୫୩ ମୃତ

ମେକ୍ସିକୋ: ଦକ୍ଷିଣ ମେକ୍ସିକୋରେ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଶତାଧିକ ଆମେରିକୀୟ ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ଟ୍ରକ୍ ଦୁର୍ଘଟଣାଗ୍ରସ୍ତ ହେବାରୁ ପ୍ରାୟ ୫୩ ଜଣଙ୍କ ମୃତ୍ୟୁ ହୋଇଛି । ୫୦ରୁ ଊର୍ଦ୍ଧ୍ୱଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଦୁଇ ଟ୍ରକ ମୁହାଁମୁହିଁ ହେବା ଯୋଗୁ ଏହି ଦୁର୍ଘଟଣା ଘଟିଛି ।

ଚିଆପସରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ଘଟଣାସ୍ଥଳରେ ରେସ୍କ୍ୟୁ ଟିମ୍ ପହଞ୍ଚି ଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାର ତଦନ୍ତ କରିବା ସହ ତୁରନ୍ତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ଚିଆପସ ଗଭର୍ଣ୍ଣର ।

ଗୁରୁବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଠିଛି । ସୂଚନା ଅନୁସାରେ, ପ୍ରାୟ ୨୦୦ ଜଣ ପ୍ରବାସୀ ଆମେରିକୀୟ ଟ୍ରକରେ ଯାତ୍ରା କରୁଥିଲେ । ଟ୍ରକଟି ନିୟନ୍ତ୍ରଣ ହରାଇ ଅନ୍ୟ ଏକ ଟ୍ରକରେ ଧକ୍କା ଖାଇ ଫୁଟ୍ ଓଭର ବ୍ରିଜରେ ମାଡ଼ ହୋଇଥିଲା ।