୫୧୦ କୋଟି ଟଙ୍କାର GST ଠକ ଗିରଫ, ଖୋଲିଥିଲା ୨୨ଟି ଜାଲି ସଂସ୍ଥା
1 min read
କଟକ: ଖୋଲିଲା ଜିଏସଟି ଠକ ରାକେଟର ଗୁମର । ୫୧୦.୨୮କୋଟି ଟଙ୍କାର ଜାଲ୍ ବିଲ୍ ରାକେଟର ଗୁମର ଖୋଲିଛି ରାଜ୍ୟ GST ଏନଫୋର୍ସମେଣ୍ଟ ଟିମ୍ । ରାକେଟର ମାଷ୍ଟରମାଇଣ୍ଡ ସନ୍ଦୀପ ମହାନ୍ତିକୁ ଗିରଫ କରିଛି ବିଭାଗ । ଅନ୍ୟ ଅଭିଯୁକ୍ତମାନେ ଫେରାର ଥିବା ସୂଚନା ମିଳିଛି । ସନ୍ଦୀପ ୨୨ଟି ଜାଲ୍ ବ୍ୟବସାୟିକ ପ୍ରତିଷ୍ଠାନ ଖୋଲିଥିଲା । ସନ୍ଦୀପ ୧୬୬ କୋଟି ଟଙ୍କାର ଜାଲ କିଣା ବିଲରେ ୨୭.୨୧କୋଟି ଟଙ୍କାର ITC ହାତେଇଛି । ସେହିଭଳି ୩୪୪ କୋଟି ଟଙ୍କାର ବିଲରେ ହାତେଇଛି ୬୧.୭୯କୋଟିର ITC ।
ସନ୍ଦୀପର ନକଲି ଫାର୍ମ ସବୁକୁ ଶୀଘ୍ର ବନ୍ଦ କରିବାକୁ ନିର୍ଦ୍ଦେଶ ଦେଇଛି ଜିଏସଟି ବିଭାଗ । ଫାର୍ମ ପଞ୍ଜୀକରଣ ତୁରନ୍ତ ବନ୍ଦ କରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛି ବିଭାଗ । ବର୍ତ୍ତମାନ ସୁଦ୍ଧା ରାଜ୍ୟରେ ୧୭ ଜଣ ଜିଏସଟି ଠକ ଗିରଫ ହେଲେଣି । ୫୨୧୦କୋଟି ଟଙ୍କାର ଜାଲ ବିଲ କାରବାର ସାମନାକୁ ଆସିଛି । ଠକଙ୍କ ମାଧ୍ୟମରେ ହସ୍ତଗତ ହୋଇଛି ୯୭୦କୋଟିର ITC । ୨ବର୍ଷରେ ୧୯ହଜାର ୫୩୯ଙ୍କ ପଞ୍ଜୀକରଣ ରଦ୍ଦ ହୋଇଛି । ୧୯ହଜାର ୫୩୯ଜଣଙ୍କ ବ୍ୟାବସାୟିକ ପଞ୍ଜୀକରଣ ରଦ୍ଦ ହୋଇଛି ।
